न्हापांगु चरणया न्याः लाकेगु जात्रा क्वचाल

ख्वप- ख्वपय् छगू चरणया न्याः लाकेगु जात्रा म्हिगः क्वचाल । म्हिगः याछेँ त्वालय् न्याः लाकाः न्हापांगु चरणया जात्रा क्वचायेकूगु खः । नवदुर्गापाखें वंगु माघ २ गतेनिसें सूर्यमढी, दतात्रय, क्वठण्डौ, गःहिति, इनाचो, गोल्मढी व याछँेय् न्या लाकेगु ज्या क्वचायेवं न्हापांगु चरण क्वचाःगु खः । आः द्यःयात सांगाय् यंकाः अन नं अथेहे न्या लाकाः हाकनं लित हइ । वयां लिपा हाकनं ख्वपया थीथी थासय् न्या लाकालिं हाकनं देसं पिने भ्वँतय्, नाला, पन्ति व धौख्यलय् दथुइ दथुइ यंकीगु चलन दु । न्हापांगु चरण क्वचायेवं आरती च्याकेगु ज्या जुइ ।

नेपालभाषा टाइम्स

च्वमिया मेमेगु

• मंकाः खलः हानं न्ह्याकेगु निर्णय
• हलिं नेवाः दबू गुखे न्ह्यानाच्वन ?
• यलया पूर्णचण्डीइ छवाःयंकं श्रीदेवीयाग लक्षाहुति यज्ञ जुइगु
• होलिकुन्हु गुसः सवारीयात कारवाही
• येँ मनपाय् छेँथुवाःया समस्या अप्वः