ने. सं. ११४६ बछलागा तृतीया -

प्यालेस व उल्भ्सया मिखा युरोपय्

लन्डन (एजेन्सी) – इंग्लिस प्रिमियर लिगय् शनिवा: बहनि क्रिस्टल प्यालेसं बर्नमाउथयात २-० बुकूगु दु । उकिइ लुका मिलिभोजेभिच व जोर्डन एयुं छगू छगू गोल यात । अथेतुं मेगु कासाय् एडम ट्राओरेया कासापाखें प्रभावित उल्भ्सं वेस्ट ह्यामयात समान २-० या स्कोरं बुकल । थुपिं कासा त्यायेवं प्यालेस व उल्भ्सया मेगु सिजन युरोपेय् म्हितिगु महत्त्वकांक्षा अप्व:गु दु । शनिवा:या मेगु महत्त्वपूर्ण कासाय् धा:सा आर्सनल ब्राइटनया ल्हातं २-१ पराजित जुल । आर्सनलया थ्व झ्वलाक निगूगु हार ख: । थ्वंया न्ह्य: आर्सनल म्यानचेस्टर सिटीनाप नं बूगु ख: । थ्व लिच्व: लिपा आर्सनलया युरोपय् म्हितेगु सम्भावना कमजोर जूगु दु ।