बागमति प्रदेशया बजेट : ५१ अर्ब ४२ करोड ७४ लख

येँ – बागमति प्रदेश सरकारं वइगु आर्थिक दँ २०७७/७८या निंतिं ५१ अर्ब ४२ करोड ७४ लख ९४ हजारया बजेट हःगु दु ।

सोमवाः प्रदेशया आर्थिक मामिला तथा योजनामन्त्री कैलाशप्रसाद ढुंगेलं थुगु दँया स्वयां थ्यंमथ्यं ४ अर्ब अप्व बजेट पेश यानादीगु खः । वइगु दँया कुल बजेट मध्ये चालुपाखे २६ अर्ब २८ करोड ७३ लख ३५ हजार अर्थात ५१.१२ प्रतिशत व पुँजीगतपाखे २५ अर्ब १४ करोड १ लख ५९ हजार अर्थात ४८.८८ प्रतिशतया विनियोजन याःगु दु ।

स्रोत व्यवस्थापनपाखे कर राजस्वपाखें २० अर्ब ८३ करोड ७९ लख, अन्तरसरकारी अनुदानपाखें १७ अर्ब ८६ करोड ९८ लख, मेमेगू राजस्वपाखें ५ अर्ब १२ करोढ ९७ लख व राजस्व बचतपाखे ७ अर्ब ५० करोड मुंकीगु लक्ष्य प्रदेश सरकारं काःगु दु ।