स्वनिगः दुहांवयेत स्थानीय तहया स्वीकृति अनिवार्य

येँ – सरकारं लकडाउनया मोडालिटी हिलेवं आः स्वनिगः दुहांपिहां जुइत झन् कडा याःगु दु । स्वनिगः दुने धाःसा जोर बिजोर प्रणाली कथं गाडी संचालन यायेफइ ।

येँया जिल्ला प्रशासन ज्याकूथीं आइतवाः छगू सूचं जारी यासें आः स्वनिगः दुहांवयेगु निंतिं स्थानीय तहया स्वीकृति अनिवार्य रुपं माःगु खँ धाःगु दु । जिल्ला प्रशासनया प्रशासकीय अधिकृत मान बहादुर बुढाया कथं स्वनिगः दुनेया गुगू नगरपालिकाय् च्वनेगु खः उगु नगरपालिकां प्रवेशया निंतिं बिउगु अनुमति सहित यात्रा सुरु याइगु जिल्ला प्रशासन ज्याकूया निवेदन आवश्यक जुइ ।

अथेहे स्वनिगलं पिनं सुनं मनू व्यक्तिगत रुपं अत्यावश्यक ज्याया निंतिं पिहांवनेमाःगु दुसा छु प्रयोजनया निंतिं वनेगु खः उकीया भ्वँ सहित जिल्ला प्रशासनय् निवेदन बीमाः । सरकारी वा संस्थागत ज्याय् पिहांवनेमाःगु खःसा सम्बन्धित संस्थाया सिफारिश पौ सहित जिल्ला प्रशासनय् सम्पर्क तयेत इनाप याःगु दु ।

स्वनिगः देुने जोर बिजोर प्रणाली लागू जुइधुंकूगुलिं थन दुनेया जिल्लाया निंतिं पास आःयात बन्द याःगु दु ।