रुकुम पिश्चमया घटना छानबिन यायेत समिति नीस्वन

येँ – रुकुम पश्चिमयाय् स्वम्ह मनूतय् सीगु घटनाया छानबिन यायेत गृह मन्त्रालयं न्याम्ह दुजः दुगु छानबिन समिति नीस्वंगु दु ।

गृहमन्त्रालयया सहसचिव नेतृत्वय् दुगु उगु समितिइ प्रहरी वरिष्ठ उपरीक्षक, राष्ट्रिय अनुसन्धान विभागया प्रतिनिधि, महान्यायाधीवक्तया ज्याकूया प्रतिनिधि व गृहया उपसचिव दुथ्याइ । राष्ट्रियसभाया मुँज्या न्ववानादिसें गृहमन्त्री रामबहादुर थापां समितिं घटना स्थलय् वनाः सत्य तथ्य छानबिन यानाः थःगु प्रतिवेदन लःल्हाइगु धयादिल । मुँज्याय् गृहमन्त्री थापां रुकुम पश्चिमया घटनाय् स्वम्ह मनूत सीगु व स्वम्ह अझ बेपत्ता जुयाच्वंगु धयादिल ।

वंगु जेठ १० गते रुकुम पश्चिमया जौरजाहरी नगरपालिका–८य् च्वम्ह मिसानाप इहिपा यायेगु निंतिं जाजरकोट भेरी नगरपालिका–४या नवराज विक चौरजहारी वंगु खः । उगु इलय् मिसा पक्ष व मिजं पक्षय् दथुइ ल्वापु जूगु खः । लिपा विक नापं वया निम्ह पासापिं टीकाराम सुनार व गणेश बुढाया सीम्ह भेरी खुसी लूगु खः । अथेहे जाजरकोटया लोकेन्द्र सुनार, गाविन्द शाही व सञ्जु विक धाःसा अझ बेपत्ता जुयाच्वंगु दु ।