बाँकेय् जक ४७म्हेसित कोरोना, संक्रमिततय् ल्याः ३५७म्ह थ्यन

येँ – कोरोना भाइरसपाखें बाँके सहित थीथी जिल्लाय् थप ५३म्हेसित संक्रमण जूगु दु । थ्व नापं नेपालय् कोरोना भाइरसपाखें संक्रतितय् ल्याः ३५७म्ह थ्यंगु दु ।

स्वास्थ्य तथा जनसंख्या मन्त्रालयया प्रवक्ता डा. विकास देवकोटां सोमवाः न्हिनय् थप ५३म्हेसित कोरोनाया संक्रमण जूगु पुष्टि यानादीगु दु । कोरोनापाखें बाँकेय् ४६म्ह मिजं व छम्ह मिसा यानाः ४७म्हेसित संक्रमण जूगु दु । भेरी अस्पतालया प्रयोगशालाय् उमिगु परीक्षण जूगु खः ।

अथेहे मोरङस्थित प्रादेशिक प्रयोगशालाय् छम्ह, भैरहवाया प्रयोगशालाय् गुल्मीया ४०दँया छम्ह मिजं व धुलिखेल अस्पतालया प्रयोगशालाय् धनुषा, रौतहट, दाङ व धादिङया छम्ह-छम्हेसित काेराेनाया संक्रमण खनेदुगु खः ।

थौं सुथय् जक बाराय् ८म्ह व राैतहटय् छम्हेसित संत्रमण जूगु खः ।