नेपालगञ्ज व कपिलवस्तुइ थप निम्हेसित कोरोनाया संक्रमण
येँ – बाँकेया नेपालगञ्ज व कपिलवस्तुइ थप छम्ह-छम्हेसित कोरोनाया संक्रमण जूगु दु । स्वास्थ्य तथा जनसंख्या मन्त्रालयं नेपालगञ्ज व कपिलवस्तुया संक्रमणया पुष्टि याःगु दु ।
संक्रमित जुम्ह नेपालगञ्ज वडा नम्बर ८या ३६दँया मिजं खः । धुलिखेल अस्पतालया प्रयोगशालाय् याःगु परीक्षणया झ्वलय् उम्ह मनूयात संक्रमण खनेदुगु खः । थ्व नापं बाँके जिल्ला जक २५म्ह थ्यंगु दु ।
अथेहे थौं हे कपिलवस्तुइ नं थप छम्हेसित संक्रमण जूगु दु । कपिलवस्तु नगरपालिका-५या २२दँया मिजंयात कोरोना जूगु खः । येँया राष्ट्रिय जनस्वास्थ्य प्रयोगशालाय् याःगु परीक्षणया लिच्वः पोजेटिभ वःगु खः ।
थ्व नापं नेपालय् कोरोनाया संक्रमण जूपिनि ल्याः २१९म्ह थ्यंगु दु ।
LEAVE YOUR COMMENTS