सकसिगुं मतिना, सद्भावं जि सच्छिदँ पूवंकेखंगु दु – सत्यमाेहन जाेशी (भिडियाे वार्ता)

येँ – वाङमय शताब्दीपुरुष सत्यमाेहन जाेशींं सकसिगुं सद्भाव व मतिनाया कारणं थः सुस्वस्थ जुयाः सच्छिदं अप्वः म्वायेफुगु खँ धयादीगु दु ।

नेपालभाषा टाइम्सया `अमेरिकाय् नेवाः´ ज्याझ्वःया लाइभ भिडियाे खँल्हाबल्हाय् न्ववासें वय्कलं थ्व खँ धयादीगु खः ।

वय्.कलं धयादिल, ‘जि थ्व जीवन देवं बिउगु बरदान खः । थ्व जीवनय् जिं यानागु ज्यायात सम्मान यानाः सकसिनं माया मतिना यानाः, सद्भाव तयादीगु उकिया निंतिं सुभाय् ।’

थःगु जीवनय् छुं म्वाःमदुगु सुकुधन्दा कयाच्वने माःगु मदुगुलिं नं थः थुलि तक म्वानाच्वनेफुगु वयकलं धयादिल ।

थः अानन्दं जीवन हनाच्वनागु धासें सकसिगुं शुभअाशिर्वादं थः थुकथं म्वायेफुगु खँ नं वयकलं धयादीगु दु ।