लकडाउन वैशाख २५ गते तक यायेगु सरकारया निर्णय

येँ – सरकारं मेगू झिन्हुया निंतिं लकडाउन थप यायेगु निर्णय याःगु दु ।

आइतवाः प्रधानमन्त्री निवास बालुवाटारय् च्वंगु मन्त्रिपरिषद्या मुँज्यां वैशाख २५ गते तकया निंतिं लकडाउन थप यायेगु निर्णय याःगु खः । कोरोना भाइरसपाखें संक्रमण रोकथाम यायेगु सरकारया पलाः पाय्छि लँपुइ वनाच्वंगु समिक्षा यासें अझ झिन्हु लकडाउनया ई थप यायेगु निर्णय याःगु खः ।

थ्वस्वयां न्ह्यः शनिवाः च्वंगु कोरोना रोकथाम व नियन्त्रणया निंतिं नीस्वंगु उच्चस्तरीय समन्वय समितिया मुँज्यां लकडाउनया ई छवाः थप यायेगु सुझाव मन्त्रिपरिषद्यात बिउगु खः । समितिया मुँज्याय् लकडाउनया स्वरुप हिलेगु लगायतया बारे सहलह जूगु खः ।

सरकारं थ्वस्वयां न्ह्यः वैशाख १५ गते तकया निंतिं लकडाउनया घोषणा याःगु खः ।