येँ मनपाया झिंछथाय् तरकारी बजाः तइगु
येँ – तरकारी न्यायेथाय् हूलमूल मजुइमा धकाः येँ महानगरपालिका झिंछगू थासय् तरकारी बजाः तयेगु क्वःछिउगु दु । बल्खु व कालिमातिया तरकारी बजारय् तसकं भीड जुइगु यानाच्वंगुलिं नगरपालिकां थप तरकारी मीगु थाय् ल्यःगु खः ।
येँ महानगरपालिकां आःयात कलंकी चोक, बाफल चोक, स्वयम्भू चोक, बनस्थली चोक, गोंगःबुँ चोक, बसुन्धरा चोक, गोपीकृष्ण हल चोक, तीनकुने चोक, लैनचौर चोक, रत्नपार्क चोक व कोटेश्वर चोकय् लकडाउन ई तकया निंतिं तरकारी बजाः तयेगु क्वःछिउगु खः ।
महानगरपालिकाया कृषि विभाग प्रमुख हरिबहादुर भण्डारीं राससलिसे खँ ल्हासें थुपिं झिंछगू थासय् थोक तरकारी मीगु निंतिं थाय् बीगु खँ धयादीगु दु । थुपिं थासय् सुथय् ८ बजे तक तरकारी बजाः तयेकेगु खँ धाःगु दु । वय्कलं थुपिं बजारय् नं फुक्क कथंया तरकारी व फलफूल दइगु खँ धाःगु दु ।
अथेहे येँ जिल्लाया सिडिओ जनकराज दाहालया अध्यक्षताय् च्वंगु छगू बैठकं भारतं नेपालय् तरकारी हइबलय् तरकारी व फलफूल लिसें भारतीय नागरिक नं नेपाः दुहां वइगु जूगुलिं उमिगुपाखें कोरोना संक्रमण जुइफुगु खतरा दुगुलिं भन्सार विन्दुइ हे भारतं नेपाः दुहां वइगु तरकारी व सिसाबुसा आयात पनेत च्वय्या निकायय् इनाप यायेगु व नेपाःया व्यवसायीतय्त नं तरकारी व फलपूmल कायेत भारत मछ्वयेगु निर्णय याःगु दु ।
LEAVE YOUR COMMENTS