ने. सं. ११४४ ञलागा पारू -

जयबागेश्वरी पशुपति विकास कोषं दयेकीगु

येँ – विश्व सम्पदा धलखय् लाःगु जयबागेश्वरी देगः आः पशुपति क्षेत्र विकास कोषं हे पुनःनिर्माण याइगु जूगु दु । थ्व देगः दनेत सम्झौता याःगु दातां सम्झौता याःगु स्वदँ दयेधुंकाः नं पुनःनिर्माण मयाःगुलिं आः कोषं हे दयेकेगु तयारी याःगु खः । तःभुखाचं देगः क्षति जूगु लछि लिपा हे एडभेन्चर टुर एण्ड ट्राभल्सया संचालक कल्याण शर्मां देगः दनेगु धकाः कोषपाखें सैद्धान्तिक स्वीकृति काःगु खः, तर आः वं देगः दने फइ मखुत धकाः निवेदन बिउगु खँ धाःगु दु ।