फोहर व्यवस्थापनय् जापानया ग्वाहालि

येँ – स्वनिगःया निगू महानगर पालिकाया फोहर व्यवस्थापनया निंतिं जापान सरकारं ग्वाहालि याइगु जूगु दु । येँ महानगरपालिका व यल महानगरपालिकां फये मालाच्वंगु फोहर सम्बन्धी समस्यायात व्यवस्थित यानाः दीर्घकालीन रुपं उकिया समाधानया निंतिं जापान सरकारं ग्वाहालि यायेत्यंगु खः । जापानया वातावरण राज्यमन्त्री ईटों निगू नगरपालिकाया फोहर दीर्घकालीन रुपं समाधानया निंतिं ग्वाहालि यायेत जापान सरकार तयार दुगु खँ धयादीगु खः ।

थौंकन्हय् जापान भ्रमणय् झायाच्वनादीपिं यल महानगरपालिकाया प्रमुख चिरिबाबु महर्जन व येँ महानगरपाकिाया उपप्रमुख हरिप्रभा खड्गी श्रेष्ठया सम्मानय् ग्वसाः ग्वःगु ब्यलि भ्वजय् उगु खँ धयादीगु खः । उगु इलय् जापानया वातावरण उपमन्त्री आराता ताकेवा व जापानया निंतिं नेपाःया कार्यवाहक राजदूत चन्द्रकृष्ण अर्यालया नं उपस्थिति दुगु खः ।