संक्रमणकालीन न्याय गम्भीर अवस्थाय्

येँ (नेपालभाषा टाइम्स)÷ संयुक्त राष्ट्र संघया मानवअधिकार परिषद्या उच्चस्तरीय सत्रय् मानवधिकार उच्चायुक्तया कार्यालय (ओएचसीएचआर)या प्रमुख मिशेल ब्याचलेटं नेपाःया संक्रमणकालीन न्याय गम्भीर अवस्थाय् दुगु खँ धयादीगु दु । जनेभाय जूगु सत्रय् वय्कलं नेपाः सरकारयात संक्रमणकालीन न्याया प्रक्रिया विश्वासया वातावरण दयेकेत नं धयादीगु दु । थुकिया निंतिं सरकारं बांलाःगु नियत तयाः द्वन्द्व पीडितत व नगारिक समाज दुथ्याकाः वृहत सहलह न्ह्याकेमाःगु सुझाव नं वय्कलं बियादीगु दु ।
वय्कःया थ्व धापू तसकं अर्थपूर्ण जूगु खँ धाःगु दु । नेपाःया मानव अधिकार अवस्था बारे वइगु नोवेम्भरय् संरासं अद्यावधिक समिक्षा जुइत्यंगु दु । थ्वयां न्ह्यः उच्चायुक्तया थ्व धापू धयागु संक्रमणकालीन न्यायया सवालय् नेपाःलिसे विश्व समुदाय अझ नं सशंकित दुगु खँ क्यंगु नेपाःया मानवअधिकारकर्मीतय्सं धाःगु खः ।
दछि न्ह्यव मानवअधिकार परिषद्या बैठकय् ब्वति कासें परराष्ट्र मन्त्री संक्रमणकालीन न्यायया विषयय् याकनं कानुन संशोधन यायेगु धयादीगु खः, तर थ्व नं आतकं मजूनिगुलिं ब्लाचेटया थ्व धापू वःगु खँ राष्ट्रिय मानव अधिकार आयोगया अध्यक्ष अनुपराज शर्मां बिबिसीयात धयादीगु दु ।

सम्बन्धित बुखँ

LEAVE YOUR COMMENTS