फास्ट ट्राय्क विरुद्ध प्रदर्शन

ख्वना व बुंगया सांस्कृतिक सम्पदा बचे यायेत इनाप

येँ – येँनं तराई-मधेश स्वाइगु चीहाकःगु लँपुया फास्ट ट्रायक लगायत विकास निर्माणया कारणं थःपिनिगु जग्गा व सांस्कृतिक सम्पदा नष्ट जुइ धासें यलया ख्वनाय् च्वंपिं स्थानीय वासिन्दां म्हिगः येँया पुल्चोकंनिसें माइतीघर मण्डला तक प्रदर्शन यात ।

पूच्वं शुरु जूगु विरोध प्रदर्शन माइतीघर मण्डलाय् थ्यंकाः धर्नाय् हिउगु खः । थ्व स्वयां न्ह्यः स्थानीय वासिन्दां थःगु ख्वालय् हाकः पानाः विरोध याःगु खः । विरोध र्‍यालीया झ्वलय् फास्ट ट्राय्क, बाहिरी चक्रपथ, स्मार्ट सिटी व सुरुबमार्गया योजनां स्थानीय जग्गा व सांस्कृतिक संरचना म्हासे जुइ धासें उकियात संरक्षण यायेगु निंतिं थःपिनिगु आन्दोलन जारी यायेगु खँ धाःगु दु। ख्वना बुंगमति जनसरोकार समिति, उपत्यकाव्यापी सतक विस्तार पीडित संघर्ष समितिं सांस्कृतिक सम्पदाया संरक्षण या, फास्ट ट्राय्क खारेज या, बुंग-ख्वनाय् बाह्य चक्रपथ माःगु मदु धइगु प्लेकार्ड ज्वनाः प्रदर्शन याःगु खः । प्रदर्शनय् ख्वनाया सांस्कृतिक प्याखनय् द्यः जुइपिं गुथियारपिंसं नं  ब्वति काःगु खः ।

थ्व स्वयां न्ह्यः बुंग व ख्वनाय् फास्ट ट्राय्क लगायत थीथी आयोजनां स्वनिगःया जनतायात लिच्वः लाइगु धासें सर्वो च्चय् मुद्दा दायर जुइधुंकूगु दु। तर फास्ट ट्राय्कया जिम्मा कयातःगु नेपाली सेनां धाःसा फास्ट ट्राय्क चायेकेगु निंतिं थःगु ज्या न्ह्याकाच्वंगु दु ।

सम्बन्धित बुखँ

LEAVE YOUR COMMENTS