बहिदार बाबुया शुभमुहूर्त

यल- सुकुन्दा फिल्म्सया न्ह्यब्वया नेपालभाषा संकिपा ‘बहिदार बाबु’या शुभमुहूर्त वंगु शनिवाः जुल । नेपालभाषा संकिपा ख्यलय् छगू लिपा मेगु संकिपा निर्माण याना वयाच्वंम्ह बासु शाहीया निर्देशनय् निर्माण जुइत्यंगु संकिपाया निर्माता हरि घेमोसु खः ।

थनया अक्षयश्वर महाविहारय् जूगु शुभमुहूर्तय् विशेष पाहांकथं झायादीम्ह नांजाःम्ह हास्य कलाकार राजाराम पौड्यालं क्यामरा अन यानादीगु खःसा वरिष्ठ सिने पत्रकार विजयरत्न असंबरें क्ल्याप बियादीगु खः। अथे हे निर्माता घेमोसुं नैंक्याः तछ्यानादिल ।

संकिपाय् नांजाःपिं कलाकारपिं लक्ष्मी गिरी, राजाराम पौड्याल, रवि डंगोल, सुरेन्द्र केसी, सुशील पोखरेललिसें बासु शाही, शोभा महर्जन, लक्ष्मीप्रसाद अमात्य, राजन राजचल, अमित शुक्ल,, मणि शाक्य, लगायतया कलाकारया भूमिका दइ । संकिपा लिपा खस भासं नं डबिंग यायेगु निर्देशक शाहीं कनादिल ।