भिंद्यः गुथि ल्याय्म्ह पुचः व मिसा पुचःया तःमुँज्या

येँ- भिंद्यः गुथि ल्याय्म्ह पुचः व मिसा पुचःया न्हापांगु तःमुँज्या वंगु शनिवाःजुल । ल्याय्म्ह पुचःया नायः रमेश मानन्धरया सभापतित्वय् जूगु तःमुँज्याय् भिंद्यः गुथिया कजि तीर्थमान मानन्धर मूपाहांकथं झायादीगु खः ।
ल्याय्म्ह पुचःया पदेन लिउ छ्याञ्जे मुक्तिरत्न मानन्धरं लसकुस यानादीगु ज्याझ्वलय् छ्याञ्जे जगदिश मानन्धरं ल्याय्म्ह पुचःया प्रतिवेदन न्ह्यब्वयादीगु खःसा दांभरिं भोगेन्द्र मानन्धरं ल्याःचाः विवरण न्ह्यब्वयादिल ।

मूपाहां, मिसा पुचःया संयोजक सुशीला मानन्धरं नुगःखँ प्वंकादीगु ज्याझ्वलय् ल्याय्म्ह पुचःया न्वकु गौतमदास मानन्धरं सुभाय् देछानादीगु खःसा ज्याझ्वःया सभापतिं कार्यसमिति विघटन जूगु घोषणा यासें निगुलिं पुचःया न्हूगु ज्यासना पुचः ल्ययेत निर्वाचन कमिटीया नां घोषणा यानादीगु खः ।

वयां लिपा भिंद्यः गुथिया न्वकु धर्मकृष्ण मानन्धरया संयोजकत्वय् छ्याञ्जे प्रकाशबहादुर मानन्धर व दांभरिं लक्ष्मीदास मानन्धर दुजः जुयादीगु निर्वाचन कमिटीं निगुलिं पुचःया न्हूगु ज्यासना पुचःया ल्यज्या यानादीगु खः ।
ल्यज्याकथं भिंद्यः गुथि ल्याय्म्ह पुचःया न्हूगु ज्यासना पुचलय् जगदिश मानन्धर नायः, गौतमदास मानन्धर न्वकु, मोहन मानन्धर छ्याञ्जे, भोगेन्द्र मानन्धर दांभरिं, मुक्तिरत्न मानन्धर लिउछ्याञ्जे (पदेन) च्वनादीगु दुसा मू दुजलय् विकि मानन्धर, पुष्प मानन्धर, दर्शन मानन्धर व अनुप मानन्धर च्वनादीगु दु ।

अथे हे अनिता मानन्धरया अध्यक्षताय् गठन जूगु मिसा पुचःया न्हूगु ज्यासना पुचलय् शान्ति मानन्धर, श्रीजा मानन्धर व विन्दिया मानन्धर छसिकथं न्वकु, छ्याञ्जे व दांभरिंलय् च्वनादीगु दुसा मू दुजलय् शोभा मानन्धर, यमुना मानन्धर, विमला मानन्धर, लक्ष्मी मानन्धर व सूर्यतारा मानन्धर लिउछ्याञ्जे (पदेन) च्वनादीगु दु ।