शिक्षामन्त्री श्रेष्ठयात नेपालभाषा ब्वँमिपिनि ज्ञापन पौ
येँ(नेपालभाषा टाइम्स)÷ रत्नराज्य लक्ष्मी क्याम्पसय् नेपालभाषा विषय कयाः अध्ययन यानाच्वंपिं विद्यार्थीतय्सं शिक्षा, विज्ञान व प्रविधिमन्त्री कृष्णगोपाल श्रेष्ठयात छपु ज्ञापन पौ लःल्हाःगु दु । प्रदर्शनी मार्गय् च्वंगु क्याम्पसया नेवाः विद्यार्थी नेवाः विद्यार्थीतय् संगठन नेवाः विद्यार्थी युनियनं मन्त्री श्रेष्ठयात सिंहदरवारस्थित वय्कःया हे कार्यकक्षय् नाप लानाः भिंतुनालिसें ज्ञापन पौ नं लःल्हाःगु खः ।
युनियनया नायः रिदेन महर्जन व नेपालभाषाया शिक्षक प्रा.डा. चन्द्रमान वज्राचार्यं ल्हाःचिं तयादीगु ज्ञापन महासचिव प्रशान्त डंगोलं ब्वनाः न्यंकादीगु खःसा वय्कलं नेपालभाषा विषयय अध्ययनय् खने दयाच्वंगु समस्यायात कयाः नं मन्त्रीयात जानकारी बियादीगु खः ।
मन्त्री श्रेष्ठं झण्डै छगू दशक न्ह्यः निसें नेपालभाषा विषय अध्यापन याकेगु ज्या दिनाच्वंगुयात मांभाय् ह्यमिपिं विद्यार्थी, नेपालभाषा अभियन्ता व स्यनामिपिनिगु कुतलय् हाकनं अध्यापन न्ह्याकेगु ज्या जूगुलिं थः लय्ताःगु खँ कनादिल ।
LEAVE YOUR COMMENTS