मिडिया विधेयक बारे नेवाः पत्रकार

येँ – थौंकन्हय् विवादय् लानाच्वंगु मिडिया काउन्सिल विधेयकयात कयाः नेवाः पत्रकारतय्सं नं थःपिनि सरोकार क्यंगु दु। म्हिगः नेवाः राष्ट्रिय पत्रकार दबू व प्रेस काउन्सिल नेपाल दथुइ काउन्सिलया ज्याकुथी थ्व विषयय् अन्तरक्रिया ज्याझ्वः जूगु खः ।

ज्याझ्वःया सभापति लिसें प्रेस काउन्सिल नेपालया कार्यवाहक अध्यक्ष किशोर श्रेष्ठं वर्तमान विधेयकं प्रेस स्वतन्त्रता हनन याइगु खँ कँसें मातृभाषा पत्रकारितायात राज्यपाखें संरक्षण आवश्यक जूगुलिं थुकिया बारे नीति दयेकेत नं नेवाः पत्रकारतय्सं पहल यायेमाःगु बिचाः तयादिल । लिसें वय् कलं आः वयेत्यंगु आमसञ्चार सम्बन्धी मेगु विधेयकय् गलत च्वइपिं पत्रकारतय्त १ करोड जरिवाना व १५ वर्ष कैदया व्यवस्था जुइत्यंगु खँ समेत कनादिल ।

ज्याझ्वलय् नेवाः पत्रकार राष्ट्रिय दबूया नायः सुरजवीर वज्राचार्य, पुलांम्ह नायः श्रीकृष्ण महर्जन, सल्लाहकार सुरेश किरण मानन्धर, पत्रकार महासंघया उपाध्यक्ष विपुल पोखरेल, प्रेस काउन्सिलया दुजः चेतनाथ धमला, प्रशासकीय प्रमुख झविन्द्र भुषालपिंसं नं नुगःखँ तयादीगु खः ।

सम्बन्धित बुखँ

LEAVE YOUR COMMENTS