राष्ट्रपति ‘सक्रिय’ जूगुलिं दाहाल रुष्ट

येँ – राष्ट्रपति विद्या भण्डारी अनावश्यक रुपं सक्रिय जूगु धासें नेकपाया अध्यक्षे पुष्पकमल दाहाल तंचाःगु खँ सीदुगु दु । नेकपां म्हिगः सुथय् ११ बजे स्थायी कमिटीया बैठक सःतातःगु खः । तर व स्वयां न्ह्यः हे राष्ट्रपति भण्डारीं स्थायी कमिटीया दुजः व मन्त्रीतय्त शीतल निवास सःताः छु जुयाच्वन न्यनेकने यानादिल ।
म्हिगःया बैठकय् महासचिव व अध्यक्षंपिंसं सम्बोधन यायेगु ज्याझ्वः तयातःगु खः । तर सुथय् हे राष्ट्रपतिं महासचिव बिष्णु

पौडेल, पुलांम्ह अर्थमन्त्री सुरेन्द्र पाण्डे, प्रमया राजनीतिक सल्लाहकार बिष्णु रिमाल, अर्थमन्त्री युवराज खतिवडा, परराष्ट्र मन्त्री प्रदीप ज्ञवाली, ऊर्जामन्त्री वर्षमान पुन, वनमन्त्री शक्तिबहादुर बस्नेत, ५ नम्बर प्रदेशया मुख्यमन्त्री शंकर पोखरेल, स्थायी कमिटीया दुजः जनार्दन शर्मा, देवेन्द्र पौडेलयात शीतल निवासय् सःतादीगु खः ।

थुकियात कयाः अध्यक्ष दाहालं ‘प्रधानमन्त्री व थः हे राष्ट्रपतियाथाय् वनेधुनागु जूगुलिं स्थायी कमिटीया बैठक न्ह्यानाच्वंगु इलय् राष्ट्रपतिं अथे बैठक सःतेम्वाः धयादीगु दु । थ्वयां न्ह्यः दाहालयात पार्टीया कार्यकारी अध्यक्ष दयेकेत राष्ट्रपतियात साक्षी तःगु धासें आलोचना जूगुलिं नं प्रचण्ड असन्तुष्ट जूगु खः ।

सम्बन्धित बुखँ

LEAVE YOUR COMMENTS