दोल्खाय् शंखधरया झ्वाता तयेगु तयारी

येँ – दोल्खाय् शंखधर साख्वाःया झ्वाता तयेगु लागिं तयारी शुरु जूगु दु । स्थानीय चरिकोट गुठीया ग्वसालय् अनया भालुखोला धाःगु थासय् थ्व झ्वाता तयेत्यंगु खः ।

झ्वाता तयेधुंकाः थ्व थाय्या नां हे ‘शंखधर चोक’ तयेगु धकाः नं सर्वसम्मत निर्णय यायेधुंकूगु दु । अन तयेगु लागिं राष्ट्रिय विभूति शंखधर साख्वाःया झ्वाता शंखधर साख्वाः राष्ट्रिय प्रतिष्ठानं उपलब्ध याकीगु खँ दु । झ्वाता तयाःलि भालुखोलाया उगु लागायात पार्कया रुपय् विकास यायेगु नं ग्वसाः जुयाच्वंगु खँ सीदुगु दु ।