उदाय समुदायया ज्याःजंक्वया संस्कार सम्बन्धी सफू पिदन

येँ – उदाय जातिया ज्याःजंक्वया संस्कारयात कयाः च्वयातःगु ‘उदाय जातिया संस्कार ज्याःजंक्व’ ब्व स्वब्व पिदंगु दु । च्वमि मय्जु रत्नतारा ताम्राकारं च्वयादीगु उगु सफू प्रज्ञा भवन कमलादिइ जूगु छगू ज्याझ्वःया दथुइ उदाय समुदायया दकलय् ज्याथम्ह १०६ दँ दुम्ह मोतिकृष्ण तुलाधर व त्रैलोक्यमान ताम्राकारं मंकाःकथं पितब्वज्या यानादीगु खः ।

विश्व शान्ति अभियानया नायः प्रेमनाथ जोशीया सभापतित्वय् जूगु ज्याझ्वलय् नेपाल प्रज्ञा प्रतिष्ठानया कुलपति गंगाप्रसाद उप्रेती मूपाहांकथं झायादीगु खःसा ज्याझ्वलय् साहित्यकार हितकरवीरसिंह कंसाकारं सफूया च्वमि ताम्राकारयात हनापौ लःल्हानादीगु खः ।

समालोचक पूर्ण ताम्राकारं च्वमिया म्हसीका न्ह्यब्वयादीगु ज्याझ्वलय् साहित्यकार कंसाकारं पितब्वज्या जूगु सफूयात कयाः दुवालादिसें सफुतिइ छुं छुं मगाःमचाः दःसां नं उदाय जातिया ज्याःजंक्वया मूमूखँ दुथ्याकातःगु खँ कनादिल । लिसें सफूया ग्वाहालिं तःजिक संस्कार याये मफुपिनिगु निंतिं म्हो खर्चं नं संस्कारया ज्या क्वचायेके फइगु विश्वास यानादिल ।

ज्याझ्वलय् उदाय समाजया पुलांम्ह नायः पंचवीर सिंह तुलाधर, तबः समाजया नायः तेजरत्न कंसाकार, ताम्राकार समाज यलया नायः रवीन्दराज ताम्रकार, प्रा. प्रेमशान्ति तुलाधर व सपूmया च्वमि ताम्राकार लगायतं थःथःगु नुगःखँ तयादीगु खः ।

सम्बन्धित बुखँ

LEAVE YOUR COMMENTS