निभा डंगोल सँचिका चिनाः वल
येँ(नेपालभाषा टाइम्स)÷संगीतिक ख्यलय् न्हू प्रतिभाकथं पिलू वयाच्वनादीम्ह मय्जु निभा डंगोलया ‘सँचिका चिनाः’या म्येँ पिहां वःगु दु । मय्जु डंगोलया उगु म्येँलिसें म्युजिक भिडियो नं पिदंगु दु ।
टेलिभिजन रियालिटी शो भ्वाइस अफ नेपालय् ‘राजमति कुमति जिके वःसा पिरति…..’ म्येँ हालाः चर्चित जुयादीम्ह डंगोलया याकः सलय् दुथ्याःगु म्येँया च्वमि विश्वास वज्राचार्य, लय्चिनामि सुरेन्द्र श्रेष्ठ खःसा संगीत संयोजन जीवित जल्मीं यानादीगु खः ।
सुर मेलोडी स्टुडियोय् रेकर्डिङ जूगु म्येँया म्युजिक भिडियो युट्युब च्यालनय् पिदंगु दु । ज्योति म्युजिकया च्यानलय् पिदंगु म्युजिक भिडियोय् मिस नेवाः वल्र्ड २०२१ नान्सी महर्जनं मुख्य कलाकारया रुपय् अभिनय यानादीगु दु । म्युजिक भिडियोय् मेपिं कलाकारया रुपय् प्रेममाया डंगोल, बिणा महर्जन, श्वेता शाक्य, शोभन वज्राचार्य, निरज प्रधान, युनिश थापा, सिजल महर्जन, रेजिश्ना खाती, ईन्द्रेणी कुलुङ्ग, कृष्णा मगर व मचा कलाकार बोधी बज्राचार्यं म्हितादीगु दु ।
म्युजिक भिडियोया छाँयाकनं नितेश मालाकारं यानादीगु खःसा सम्पादन विजनराज वज्राचार्यं यानादीगु खः । रोहिया महर्जनं कोरियोग्राफी यानादीगु म्युजिक भिडियोया परिकल्पना व निर्देशन विश्वास वज्राचार्यं यानादीगु खःसा सहायक निर्देशक मंजिल शाक्य खः ।
LEAVE YOUR COMMENTS