वैश्विक शान्ति सम्बन्धी गुक्वःगु अन्तर्राष्ट्रिय सम्मेलन
येँ- क्रोधरहित संसार व ग्लोबल पिस फाउण्डेसन नेपालया ग्वसाः व समृद्धि एजुकेशन फाउण्डेसनया सह आयोजनाय् गुक्वःगु डब्ल्युडब्ल्युए इन्टरनेशनल कन्फरेन्स अन ग्लोबल पिस थ्रोट इमोसनल इन्टेलिजेन्स एजुकेशन (ईक्यु÷ईआई), अर्गनाइजेसनल म्यानेजमेन्ट एण्ड पोजेटिभ साइकोलोजि पिस, बिजनेस सक्सेस एण्ड बेटर लाइफ अन्तर्राष्ट्रिय सम्मेलन जुल ।
नेपाल खुल्ला विश्वविद्यालयया उपकुलपति प्रा. डा. लेखनाथ शर्मां सम्मेलनया उलेज्या यासें थौंया आवश्यकता विश्वशान्तिया निंतिं इमोशनल इन्टेलिजेन्स आवश्यक जूगुलिं उकियात पाठ््यक्रमय हे दुथ्याकेमाःगु खँय बः बियादिल ।
नेपाल खुल्ला विश्वविद्यालय, ईक्यु फर पिस वल्र्डवाइड इन्क–अमेरिका, नेशनल एशोसियसन अफ साइकोनोजिकल साईन्स भारतया सहभागिताय् संचालन जूगु सम्मेलनय् वय्कलं डब्ल्युडब्ल्युए जर्नलया न्हय्गूगु संस्करणया नं पितब्वज्या यानादीगु खः । अथे हे संस्थाया उपाध्यक्ष डा. लक्ष्मण शाक्ययात ‘डब्ल्युडब्ल्युए भिजिनरी अचिभमेन्ट अवार्ड–२०१९’ लःल्हानादिल ।
ज्याझ्वःया विशिष्टि पाहां ईक्यु फर पिस वल्र्डवाइडया प्रमुख कार्यकारी अधिकृत म्याट पेर्लेस्टिनं नेपाल खुल्ला विश्वविद्यालयया प्रा. डा. अरहन स्थापितयात ‘द डीन अफ इन्टरनेशनल पिस प्राइज–२०१९’ व कृपा सिग्देल श्रेष्ठयात ‘डब्ल्युडब्ल्युए भजिनरी अचिभमेन्ट अवार्ड–२०१९’ लःल्हानादिसें विश्वय् शान्ति न्हियान्हिथं कुहां वयाच्वंगु अवस्थाय् इमोशनल इन्टेलिजेनसं जक समस्याया समाधान जुइमखु धइगु खँय् बः बियादिल ।
विश्वविद्यालयया डीन प्रा.डा. सिलु मानन्धर वज्राचार्यं बुद्धत्वया पुसा सकलें मानव जातियाके निहित जुयाच्वनीगु तर, उकियात अनुभव याये मफुगुलिं यानाः अशान्ति न्यना वनाच्वंगु खः धयादिल ।
प्रा. डा. मुरारीप्रसाद रेग्मी, प्रा. डा. शिशिर सुब्बा, मनोहर कुमार भट्टराई र डा. आशिष सेनं नं थःथःगु धारणा तयादीगु सम्मेलनय् व्यवस्थापन, इमोशनल इन्टेलिजेन्स, सहकारी, अनलाइन व्यवसाय, ई–बैंकिङ, कृषि नीति, कर्मचारी कार्य सन्तुष्टि, कर्मचारी प्रशासन लगायत थीथी ३७ गू विषयय् स्वदेशी व विदेशी अनुसन्धानकर्तातय्सं ज्यापौ नं न्ह्यब्वयादीगु खः ।
LEAVE YOUR COMMENTS