ने. सं. ११४६ बछलाथ्व दुतिया -

क्वहितिइ नीप्यदँ लिपा मू धिमे पिदन

येँ – थनया क्वहितिइ च्वंगु नीलबाराही त्वाः खलःपाखें वंगु गथांमुगःचः¥हेनिसें स्यना वयाच्वंगु तग्वः धिमे (मू धिमे) पिथनेगु ज्या जुल । खलःपाखें वंगु गथांमुगःचः¥हेकुन्हु नासःपुजाः यानाः मू धिमे स्यनेज्या न्ह्याकूगु खःसा थ्व हे वंगु कौलाथ्व पारु नःला स्वनेगु न्हिकुन्हु पिथंगु खः ।

झिंनिदँय् छक्वः जक स्यनेगु याना वयाच्वंगु तग्वः धिमे स्यनेगु ज्याय् गुदँदुपिं निसें स्वीनिदँतक दुपिनिगु सहभागिता दुगु खः । धिमे पिथने धुंकाः वंगु पचिम¥हः कुन्हु पचलि भैरव द्यःयाथाय् बसं वनेगु ज्या नं जूगु खः ।खलःपाखें धिमे पिथनेगु हे झ्वलय् झिंनिदँ जक दुम्ह सिमन महर्जनं प्वंगा पुयाः क्यंगु खः ।

मू धिमे झिंनिदँय छक्वः जक स्यनेगु चलन दुगु खःसां खलःपाखें थनिं झिंनिदँ न्ह्यः विशेष कारणं स्यने मफुगुलिं थुगुसी नीप्यदँ लिपा थुकथं मू धिमे स्यने ज्या न्ह्याकूगु खः । मुक्कं ख्वीस्वम्ह मस्तय्सं प्रशिक्षण काःगु धिमे स्यनेज्याय् पुननारायण महर्जनं प्रशिक्षण बियादीगु खः ।