हलिं नेवाः गुथिया नेपालभाषा साहित्य गोष्ठि

किपू  – हलिं नेवाः गुथि गःछेँ कचा किपूया ग्वसालय् वंगु शनिवाः न्हय्क्वःगु नेपालभागाा साहित्य गोष्ठि जुल । ‘झीगु गुथि, झीगु सम्पदा’ धइगु नारा बियाः ग्वसाः ग्वःगु साहित्य गोष्ठिं स्वीम्हं मल्याक च्वमिपिंसं थःथःगु साहित्यिक रचना पाठ यानादीगु खः ।

ज्याझ्वलय् लोककवि राजभाई जकःमि, मोक्षबहादुर अमात्य, लुमन्ति चित्रकार, बसन्त नकःमि, कविन्द्रलाल प्रधान, तेजकृष्ण नकःमि, रुपा शाही, पि.के. श्रेष्ठ, शम्भूराम ‘मान्छे’, विनिता खड्गी, नरेनमान महर्जन, सुवर्ण महर्जन, बुद्धिलाल ज्यापु लगायतया च्वमिपिंसं थःथःगु रचना पाठ यानादीगु खः ।

गुथिया गःछेँ कचाया नायः बुद्धिलाल ज्यापुया सभापतित्वय् जूगु साहित्य गोष्ठिया उलेज्या लोककवि राजभाई जकःमिं त्वाःदेवाय् मत च्याकाः यानादीगु खः । किपू नगरपालिकाया कार्यवाहक नगरप्रमुख हर्ष महर्जन विशेष पाहांकथं झायादीगु ज्याझ्वलय् पाठ याःगु साहित्यिक रचनायात कयाः प्रा. डा. चन्द्रमान वज्राचार्यं समीक्षात्मक टिप्पणी यानादीगु खः ।

गुथिया केन्द्रीय नायः जुजुमान श्रेष्ठ, च्वमिपिंपाखें नरसागर श्रेष्ठं नुगःखँ प्वंकादीगु ज्याझ्वलय् इन्द्रेणी सांस्कृतिक समाजया वीरप्रसाद भन्सारी, गुजे मालाकार, रत्नशोभा महर्जन लगायतया कलाकारपिंसं सांगीतिक प्रस्तुति न्ह्यब्वयादीगु खः ।

सम्बन्धित बुखँ

LEAVE YOUR COMMENTS