असोजया न्हापांगु वालय् प्यक्वःगु ताम्रकार फुटसल

यल – ताम्रकार समाजया ग्वसालय् प्यक्वःगु संस्करणया ताम्रकार फुटसल थ्व हे वइगु असोज ४ गते शनिवाः व असोज ११ गते शनिवाः निन्हुयंकं जुइगु जूगु दु । सानेपाय् च्वंगु फिल्ड फुटसलय् उगु कासा जुइगु समाजं पत्रकार सम्मेलनय् जानकारी बिउगु दु ।

प्यक्वःगु संस्करणया कासा थापाथलीस्थित ट्रेड टावरयच्वंगु ‘द ब्रिटिस कलेज’या मुख्य प्रायोजनय् जुइत्यंगु खःसा कासाय् ब्वति काइगु टिमयात च्यागू थीथी कम्पनी व उद्योगं प्रायोजन याःगु दु । प्रायोजन याःगु कम्पनीया हे नामं टिमया नां कायम यानातःगु दु ।
कासाय् ख्वीम्ह स्वयां अप्वः कासामिया सहभागिता दइ ।

करुणामय मेटल क्राफ्ट लिपांगु संस्करणया विजेता खःसा कासाय् विजयी जूपिंसं ट्रफी, मेडल, नगद सिरपाः प्राप्त याइसा कासाया निंतिं मुक्कं प्यंगूत्या लाख खर्च जुइगु अनुमान याःगु दु । समाजया युवा तथा खेलकुद उपमितिया ग्वासलय् जुइगु कासाय् प्रायोजक कम्पनीपाखें ब्वति काइपिं कासामिया छनोट, जर्सीया वितरणया ज्या क्वचायेधुंकूगु दु । कासाया झ्वलय् अण्डर १४, मिसा व भेट्रान टिमया दथुइ नं प्रतिस्पर्धा जुइ ।

 

सम्बन्धित बुखँ

LEAVE YOUR COMMENTS