मच्छेगामय् निन्हुयंकं लाखे जात्रा
किपू – चन्द्रागिरि नगरपालिका वडा नं. ९ स्थित मच्छेगामय् लाखे जात्रा जुइगु जूगु दु। नेपाल सांस्कृतिक कला मन्दिरया ग्वसालय् थ्व हे वइगु भदौ २० व २१ गते निन्हुयंकं जुइगु लाखे जात्रायालिसें सम्मान व सांस्कृतिक ज्याझ्वः नं जुइ ।
‘सहभागि जुइनु, थःगु थाय् या मौलिकता, कला व संस्कृति कालबिल यायेगु नु’ धइगु नारा बियाः जुइत्यंगु लाखे जात्राय् थीथी खलः, पुचःलिसें थीथी जिल्लापाखें नं ब्वति काइगु जानकारी ग्वसाः खलकं बिउगु दु।
थ्व स्वयां न्ह्यः स्क्वःखुसी जूगु लाखे जात्राय् नीगुंगू जिल्लाया करिब पीप्यंगू पुचलं ब्वति काःगु व थुगुसी व स्वयां नं अप्वः सहभागिता दइगु विश्वास ग्वसाः खलकं याःगु दु ।
लाखे जात्रालिसें ज्याझ्वलय् थीथी ख्यलय् विशिष्ट योगदान बियादीपिं राष्ट्रियस्तरया व्यक्तित्वपिंत नं हनेगु ज्याझ्वः दु ।
LEAVE YOUR COMMENTS