गुथि आन्दोलनया अवधारणा तयार

येँ – गुथि विधेयक विरुद्ध आन्दोलन याना वयाच्वंगु एकीकृत आन्दोलनं गुथि आन्दोलनया अवधारणा तयार याःगु दु। म्हिगः च्वंगु आन्दोलनया केन्द्रीय बैठकं उगु अवधारणायात पारित याःगु खः ।

अवधारणाय् नेवाःतय्सं जात्रा पर्व लगायत थीथी कथंया सामाजिक ज्याखँ यायेगु लागिं न्ह्याका वयाच्वंगु गुथियात स्वायत्त निकायया रुपय् चले याके बीमाः धासें थुकी राज्यया भूमिका संयोजनकारी जक जुइमाःगु खँ न्ह्यथनातःगु दु। गुथि सम्बन्धी छुं हे ज्याखँय् राज्यपाखें हस्तक्षेप याये मजिउगु व गुथिया स्वायत्तता रक्षा यायेगु लागिं सरकारं माःगु कानून तर्जुमा यायेमाःगु खँ नं उकी न्ह्यथनातःगु दु।

नेपालं हस्ताक्षर यानातःगु थीथी कथंया अन्तर्राष्ट्रिय सन्धि सम्झौता लिसें संयुक्त राष्ट्र संघं जारी यानातःगु थीथी घोषणापत्रय् नं देय्या आदिवासी जनजातितय्सं हना वयाच्वंगु प्रथाजन्य संस्कारतय्त राज्यया सामान्य कानूनं प्रभावित मयाइगु व उकियात परम्परागत ढंगं सञ्चालन याये दइ धकाः स्पष्ट याना तःगु जुयाः स्वनिगःया नेवाः आदिवासी जनजातितय्सं माने याना वयाच्वंगु थ्व गुथि प्रथायात नं राज्यं स्वतन्त्र ढंगं निर्वाध सञ्चालन याके बीमाःगु खँ उगु अवधारणाय् न्ह्यथनातःगु दु।

गुथि आन्दोलनया लागिं नेवाः न्ह्यलवा मल्ल के. सुन्दरं उगु अवधारणा तयार यानादीगु खः ।

सम्बन्धित बुखँ

LEAVE YOUR COMMENTS