शेयर बजारय् नेप्से कुहां वन

येँ –  म्हिगःया शेयर बजारय् शेयर कारोबार मापक नेप्से कुहां वंगु दु । सोमवाः थहां वंगु स्वयां अप्वं अंकं म्हिगः नेप्से कुहां वंगु खः । सोमवाः ७ दशमलव २३ अंकं थहां वंगु नेप्से परिसूचक म्हिगः ८.४३ अंकं कुहां वयाः १२१३.६३ अंकय् कुहां वःगु खः । नेप्से कारोबार कुहां वःगुलिं ध्यबा नं कुहां वंगु दु । मुक्कं १६५ कम्पनीया ११ लाख ७३ हजार कित्ता शेयर २७ करोड २५ लाखं न्यायेमीगु ज्या जूगु खः ।

नेप्सेया कथं कारोबार जूगु मुक्कं १२ उपसमूह मध्ये म्हिगः निगू उपसमूहया जक शेयरया भाः थहां वंगु दु । अथे हे झिगू उपसमूहया धाःसा शेयरया भाः कुहां वंगु खः । म्हिगः व्यापार ६.५९, व सामुहिक लगानी कोष ०.०५ अंकं थहां वंगु खः । अथे हे बैंकिङ ६.८३, होटल १३.८४, विकास बैंक ७.०४, जलविद्युत १३.२८, वित्त २ं०४ निर्जीवन बिमा २५.५९, उत्पादन ११.८६, अन्य ५.३४, लघुवित्त १३.१२ व जीवन बिमा ५६.१६ अंकं कुहां वंगु दु ।

कारोबारया आधारय् म्हिगः होटल सोल्टी शीर्ष थासय् थ्यंगु दु । सोल्टी होटलया ४ करोड ३६ लाख तका बराबरया शेयर कारोबार जूगु दु । उकथं हे रसुवागढी जलविद्युत कम्पनीया १ करोड ५६ लाख, एनआईसी एसिया बैंकया १ करोड ३३ लाख, नेपाल बैंक लिमिटेडया १ करोड ३४ लाख, नविल बैंकया ९७ लाख ५० हजार बराबरया कारोबार जूगु दु ।

नेप्सेया कथं कारोबारया आधारय् म्हिगः दकलय् अप्वः कमे याःगु विशाल बजार कम्पनी लिमिटेड जूगु दु । उगु कम्पनीया शेयर धनीं ५.६२ प्रतिशत लबः कमे याःगु दु । ग्रीन डेभलपमेन्ट बैंकं ३.७७, सांग्रिला डेभलपमेन्ट बैंकं ३.४७, गुह्येश्वरी मर्चेन्ट बैंक एण्ड फाइनान्सं २.५९, सपोट माइक्रो फाइनान्सं २.४३ व पञ्चकन्या माई हाइड्रो पावरया शेयरधनीं २ प्रतिशत कमे याःगु दु ।

नेप्सेया कथं म्हिगः दकलय् अप्वः गुमे याःगु पाँचथर पावर कम्पनी जूगु दु । उगु कम्पनीया शेयरधनीं ९.५६ प्रतिशत गुमे याःगु दु । दिव्येश्वरी हाइड्रो पावर ५, हिमालयन पावर पार्टनर ४.९३, गुराँस लघुवित्त वित्तिय संस्था ४.७९, अरुण काबेली पावर ४.२९ व नाडेप लघुवित्त वित्तिय संस्थाया शेयरधनी ४.०६ प्रतिशत द्याःगु दु ।

सम्बन्धित बुखँ

LEAVE YOUR COMMENTS