मनकामना केवलकारया भाः थहां वन

येँ – मनकामना दर्शन प्रालिं केवलकारया भाडा थकाःगु दु । वंगु भदौ १ गतेनिसें लागू जुइकथं ५ प्रतिशत भाः थकाःगु खः । थ्व स्वयां न्ह्यः कुरिनटारंनिसें मनकामना द्यःया न्ह्यःने तक केवलकारया वये–वनेगु भाडा ६४० तका कायम यानातःगु खः । आः भाः थकयाः ६७५ तका थ्यंकूगु दु ।

केवलकारया एकतर्फी भाडा धाःसा झितका थकाःगु दु । आः एकतर्फी भाडा ३९५ तका कायम जूगु दु । कम्पनीया सञ्चालक समितिया बैठकं भाः थकायेगु निर्णय याःगु खः । कम्पनीं स्थानीय तहयात पुलेमाःगु कर अप्वःगुलिं भाः थकयागु खँ धाःगु दु । कम्पनीं केवलकारया क्वयया स्टेशन चितवनया इच्छाकामना गाउँपालिकाय् व च्वय्या स्टेशन गोरखाया सहिद लखन थापा गाउँपालिकाय् दु ।

कम्पनीं निगुलिं स्थानीय तहयात प्रति टिकट १ प्रतिशत कर पुलेमाःगुलिं भाः थकयागु खँ धाःगु दु । लिसें कर्मचारीया तलब नं २० प्रतिशत अप्वयेकूगुलिं भाः थकायेमाःगु दावी कम्पनीं याःगु दु ।केवुलकारया भाः थकाःगुलिं स्थानीय तहलं धाःसा असन्तुष्टि प्वंकूगु दु ।

स्थानीय सरकार गठन याये न्ह्यः कम्पनीं गोरखा व चितवनया साविक जिल्ला विकास समितियात कर पुला वयाच्वंगु खः । आः उगु कर स्थानीय सरकारयात पुलेगु यानाच्वंगु खः । अथे जुयाः भाः थकायेमाःगु आवश्यकता मदु धकाः स्थानीय तहं धाःगु दु ।

सम्बन्धित बुखँ

LEAVE YOUR COMMENTS