अक्षय कुमारं आः राष्ट्रिय सुरक्षाया भूमिका म्हितीगु

बलिउड कलाकार अक्षय कुमारं राष्ट्रिय सुरक्षा सल्लाहकारया भूमिका याइगु जूगु दु । निरज पाण्डेया निर्देशनय् दयेकेत्यंगु छगू न्हूगु फिल्मय् अक्षय कुमारं उगु भूमिका म्हितेगु घोषणा याःगु दु । डोभालया करियरया विषय कयाः दयेकत्यंगु थुगु फिल्मया आः स्क्रिपया ज्या जुयाच्वंगु दुसा आःयात थुकिया अनुसन्धान जुयाच्वंगु दु ।

निर्देशक निरज पाण्डें ‘चाणक्य’ दयेके सिधये धुंकाः व अक्षय कुमारं थःगु छुं फिल्म पुरा याये धुंकाः जक थुगु फिल्म दयेकेगु ज्या जुइगु खँ समाचार स्रोतं जाकनारी बिउगु दु ।

वंगु १५ अगष्टय् अक्षय कुमारया मिशन मंगल रिलिज जूगु दुसा रिलिज जुइगु झ्वलय् अक्टोबरय् हाउसफुल ४ व डिसेम्बरय् गुड न्यूज दु । वइगु दँय् सूर्यवंशी व लक्ष्मी बम फिल्मया घोषणा याये धुंकूगु दुसा वया नापनापं निर्देशक पाण्डेया हे फिल्म इक्का व बच्चनया निंतिं न सम्झौता यानातये धुंकूगु दु ।

सम्बन्धित बुखँ

LEAVE YOUR COMMENTS