भिक्षु ज्ञानपूर्णिकया सफूतिइ हनेबहःपिनि बिचाः
#भिक्षु बोधिज्ञान
शान्ति सन्देश स्मारिका (वि.सं.२०५९ साल) य् ‘भिक्षु सुदर्शन भन्तेको सहयोगीभावना र प्रेरणा’ धैगु लेखय् ‘भिक्षु ज्ञानपूर्णिक भन्तेको पुस्तकमा सुदर्शन भन्तेको भूमिका’ धैगु उपशीर्षकय् १२ दँ बर्माय् अध्ययन यानाः धम्माचरिय उपाधि पास यानाबिज्याःम्ह भिक्षु ज्ञानपूर्णिकया ने.सं. १०८९ सालय् पिदंगु ३४ पेजया चीपंगु सफू ‘पायासि सुत्त’य् अनुवाद शुद्ध यायेगु निसें भूमिका नं च्वयाबिज्याना लिपा ततःपँगु सफूतय्त नं गहन अध्ययन व विश्लेषण यानाः व सशक्त भूमिकात च्वयाः भिक्षु ज्ञानपूर्णिकया साहित्यिक यात्राय् साथ बियाबिज्याःगु खँयात उलाः वसपोल सुदर्शन भन्ते नं सफू च्वमिपिंत हौसला वृद्धि यायेत व सफूया महत्व क्यनेत सम्बन्धित ग्रन्थय् बियाबिज्याःगु भूमिका जक मुंकूसां छगू तःपंगु सफू तयार जुइ फइ धयागु आशय व्यक्त यानाः लेख च्वयातयागु खः ।
उबलेय् निसें वसपोल सुदर्शन भन्तें गुरुवर श्रद्धेय ज्ञानपूर्णिक भन्तेया सफूतिइ बियाबिज्याना तःगु भूमिकात विश्वशान्ति विहारय् च्वंपिं भिक्षु श्रामणेरपिंत टाइप याकेगु ज्या जुयाच्वंगु खः । थ्व हे सिलसिलाय् २०६५ मंसिर २२ गतेनिसें पुष ५ गतेतक शंखमूल ध्यान केन्द्रय् ध्यान शिविरय् वनाबलय् भन्तेया उपसम्पदाया ५० वर्ष सम्बन्धि ज्या लुमनावःगु कथं भन्तेया गुलि नं सफुलिइ भूमिका दु व फुक्क दुथ्याके दःसा बांलाः जुइ धयागु मतिइ वनाः उगुकथं सम्बन्धित भूमिकात नं टाइप याके बिया ।
उकथं टाइप याके बिबिउँ श्रद्धेय गुरु महास्थविरया सफू अनुवाद यानाबिज्याःगु इलय् वसपोलं यानाबिज्याःगु मेहनत, प्राप्त जूगु ग्वाहालि, गज्याःगु परिस्थितिइ अनुवाद जूगु खः ?, लिसें सफूया महत्वबारे नं पूर्णरुपं सीकेया निंतिं सफुलिइ च्वयातःगु भूमिकां हे जक पूवनि थें मतायाः भूमिका नापनापं भन्तेया थःगु नुगःखँ नं तयागु जुल ।
भन्तेया थःगु नुगःखँ तयावंवं वसपोलं मेपिं च्वमिपिनि सफूतिइ च्वया तयाबिज्याःगु भिन्तुना, मन्तुना, छत्वा खँयात नं दुथ्याका भूमिका सफू सम्पादन जूगु खः । भूमिका सफूया अध्ययनं छु छु सफुलिइ सुनां सुनां भूमिका च्वयाबिज्यात धकाः स्पष्ट जुइ । विशेषं दिवंगत जुयाबिज्याये धुंकूपिं आचार्य भिक्षु अमृतानन्दमहास्थविर, भिक्षु सुदर्शन महास्थविर, कविकेशरी चित्तधर ह्ृदय व इन्द्रनारायण मानन्धरपिंसं सम्बन्धित सफू ब्वनाः सफूया मूल्यांकन गथे यानातल धयागु खँ ध्वाथुइ ।
लिसें वसपोलपिनिगु गुणयात नं लुमंका च्वनागु खः । म्वानाच्वंगु अवस्थाय् छुं यानातःगुयात हे, वया तःगुयात लुमंकाः हे फलानाम्हं थ्व यानातःगु, थ्व च्वयातःगु खः धका संग्रह याये फइगु खः ।
प्रकाशित भूमिका सफू लिसें लिपा पिहाँवःगु सफूयात बः कयाः भिक्षु ज्ञानपूर्णिकया सफुलिइ हनेबहःपिनि बिचाः
क) वसपोल ज्ञानपूर्णिक महास्थविर भन्तेयापाखें अनुदित, सम्पादित जूगु सफुलिइ क्वय् बियाकथं भूमिका च्वयातःगु खनेदु ः—
थुकथं ज्ञानपूर्णिक भन्तेया सफूत मध्यय् बुद्धघोष भन्तेया १ गूू , अमृतानन्द भन्तेया १ गू, सुदर्शन भन्तेया ११ गू, चित्तधर हृदयया २ गू, सुवर्ण शाक्यया ५ गू, भिक्षु कोण्डन्यया १ गू व इन्द्रनारायण मानन्धरया १ गू भूमिका दु । अले थीथी इलय् च्वया बिज्यानातःगु लेख रचना संग्रहया आधारय् अनागारिका उप्पलवण्णापाखें सम्पादन जूगु सफुत मध्यय् छगुली आर.बी. बन्द्यजु व मेगुलिइ सुवर्ण शाक्यजुं भूमिका च्वया बिज्याना तःगु दु ।
ख) वसपोल ज्ञानपूर्णिक महास्थविर भन्तें अनुवाद याना बिज्याःगु सफूया च्वमिपिं
वसपोल ज्ञानपूर्णिक महास्थविर भन्तें महाशी सयादोया १९ गू सफू , सयादो प्युंदजा अश्यिङ् सुन्दरया ५गू सफूया अनुवाद यानाबिज्याःगु दु ।
ग) वसपोल ज्ञानपूर्णिक महास्थविर भन्तें नेपालभाषां अनुवाद यानाबिज्याःगु सफू नेपाली भाषां अनुवाद जुया पिहां वयाच्वंगु सफूत थुकथं दु ः
घ) भन्तेया उपदेश व उपदेश अनुवाद यानाबिज्याःगु आधारय् पिहांवःगु सफू
वसपोलया नेपालभाषां ४३ गू व नेपालीभाषां १०गू सफू पिदंगु दु । भिक्षु ज्ञानपूूर्णिक महास्थविरया नेपालभासं व नेपालीं पिहांवःगु थीथी च्वसुया आधारय् अनागारिका उप्पलवण्णाया सम्पादनय् भिक्षु ज्ञानपूूर्णिक महास्थविरया च्वसु मुना व भिक्षु ज्ञानपूूर्णिक महास्थविरको रचना संग्रह पिहां वःगु दु ।
चीपंगु चीधंगु सफू पिकायेत हे भतिचा मेहेनत व परिश्रमं मगाः धाःसा ५०गुलिं मयाक ततपंगु सफू पिकायेत श्रद्धेय भन्तेया परिश्रम, लगानी, झुकाव गुलि दु जुई ? अनुमान याये तकं थाकु । न्ह्याथाय् च्वनाबिज्याःसां सफू ब्वनेगु व सफू अनुवादय् ल्हाः न्ह्याकाबिज्याःगुलिं हे झीगु न्ह्यःने नेपालभाषा व नेपाली भाषं उलिमछि सफू पिहां वःगु स्वये खंगु, ब्वनेखंगु खः ।
धम्मावती गुरुमांया जीवनीइ आधारित यानाः र वे थ्व भन्तें च्वयाबिज्याःगुयात नेवाः भासं यःम्ह म्ह्याय्या रुपय् अनुवाद यानाबिज्याःगु सफूयात नेपालभाषाया नांजाःगु श्रेष्ठ सिरपालं ने.सं. १०९० सालय् छाय्पिउगु झीगु लागी नं छगू तःधंगु गौरवया खँ खः । अ.बौ.भा. केन्द्रय् उपदेश अनुवाद यानाबिज्याःगुयात व विश्वशान्ति विहारय् उपदेश कना बिज्याःगुयात आधार कयाः धर्मरत्न त्रिशुलीपाखें सफूत सम्पादन यानाबिज्याःगु दु ।
अथे हे मलेसियाय् ध्यान शिविरया दौरानय् शिविरय् यानाबिज्याःगु उपदेश व थाय् थासय् बियाबिज्याःगु public talk of आधारय् Human life is precious नामं अंग्रेजी सफू छगू पिहांवःगु दु । अथेहे CD लय् रेकर्ड यानाः वितरण जुयाच्वंगु नं दु । पूरा उपदेश रेकर्डया ऋम् व सफू पिकाःसा यक्व दयेफु । आः छुं छुं उपदेशया संकलन जक पिहांवःगु खः ।
अथेहे वसपोलं नेपालय् थाय् थासय् बियाबिज्यागु उपदेश व क्लास कयाबिज्यागुयात रेकर्ड यानाः उकिया आधारय् हे ऋम्,म्ख्म् इ पिकायेगु व सफू प्रकाशन यानाः वसपोलया ज्ञानयात लिपा थ्यंकं न्यनेगु ब्वनेगु यानायंके फु । उकिया लागि श्रद्धालु दातापिनिपाखें पहलजूसा उगु ज्यात न्ह्यानावनी ।
श्रद्धेय गुरुवर भन्तें थीथी सफुलिइ च्वयातःगु भूमिका मन्तव्य मालायंकाबलय् दकलय् न्हापां २०३३ सालय् नानीमैंया मानन्धरया मग्गङ्गदीपनी सफूती ६ पेजया भुमिका खःसा दकलय् यक्क खँ नेपालीं अनुदीत बुद्ध र बुद्धवाद भाग(१)य् १९ पेजया खः । वसपोलं थीथी च्वमिपिनिगु सफुलिइ २०६५ सालतक बियाबिज्यानातःगु भूमिका, मन्तव्य, शुभकामनाया पृष्ठ जक हे २२७ पेज दु ।
बर्मी भाषां अनुवाद यानाबिज्यायेगु झ्वलय् साफी यायेगु, प्रूफ ब्वनेगु, दाता, प्रकाशकपिं चूलाकाबीगु, सफूया व्यवस्थापन यायेगु ज्याय् विशेषं अनागारिका उत्पलवर्णा (चिनी गुरुमा) यागु तःधंगु ल्हाः दयाच्वंगु जुल । भन्तें थःगु सफू प्रायः यानाः नेपाल प्रेसय् छपाई याकाबिज्याःगु जुल ।
कम्प्यूटर मवःनिगु अवस्थाय् हे थासा आखलय् अयmउयकभ यायेगु निसें आःयागु कम्प्यूटरयागु अवस्थाय् तकं नं वसपोलं सफू प्रकाशनया लागिं नेपाल प्रेस ल्यया बिज्यानाच्वंगु दु । ने.सं. १०९० निसें ने.सं. ११३९ तक ५० दँ या दुने वसपोलयागु ५७ गू सफूत मध्ये ३५ गू सफू नेपाल प्रेसय् छापे जूगु दु ।
सफू प्रकाशन यायेत दातापिं मालेगु, सफू प्रकाशन याःगु मुख्य संस्थात थुकथं दयाच्वंगु जुल ः—
१) सन्ति सुखावास प्रकाशन समिति, चाकुपाट— १५गू
२) धर्मकीर्ति बौद्ध अध्ययन गोष्ठी, धर्मकीर्ति विहार— ९ गू
३) दि कर्पोरेट बडी अफ दी बुद्ध एजुकेशनल फाउण्डेशन, ताइवान — ४गू
( ५००० ÷५००० दरं प्याहाँ वःगु थुपिं सफू पिकायेत व नेपालय् हयेत भिक्षु मंगल व भिक्षु वजिरबुद्धि लिसें सुखी होतु नेपालया तःधंगु ल्हाः दुगु जुल ।)
नेपाःया ७ म्हम्ह संघनायक कथं अखिल नेपाल भिक्षु महासंघ न्ह्यचिलाः याना बिज्यानाच्वंगु सामूहिक अभिनन्दन समारोहया उपलक्ष्यय् वसपोल गुरुवर भिक्षु ज्ञानपूर्णिक महास्थविरया भिंउसाँय, ताःआयु लिसें सुखी मंगल मैत्री यानाच्वना । विश्वशान्ति विहार, २०७६श्रावण २२
LEAVE YOUR COMMENTS