छगू हे ज्याझ्वलय् नेपालभाषा चिनाखँ व खय् भाय्या सीडि विमोचन

येँ – म्ये हालामी रिता महर्जनया नेपालभाषाया चिनाखँ व खस भाषाया सिडी छगू ज्याझ्वःया दथुइ विमोचन जूगु दु । महर्जनया ‘अन्तर मनया मौन अभिव्यक्ति’ सफू व ‘यो साँझको मधुरिम छटामा’ सिडी मंकाः कथं विमोचन जूगु खः ।

सफूया विमोचन गोल्डेन भ्वाइस अफ नेपाल प्रेमध्वज प्रधान, कवयित्री नारायणदेवी श्रेष्ठ, म्यँे च्वमि यादव खरेल, संगीतकार शम्भुजित बास्केटा, किरण खेल, सितारवादक तारावीरसिंह तुलाधर व कवि रत्न शम्शेर थापां मंकाःकथं विमोचन यानादीगु खः । अथे हे नांजाःम्ह म्येँ हालामि योगेश वैद्यं च्वयादीगु सिडी म्येचाः वैद्यया बुदिंया लसताय् पिथंगु खः ।

म्येँचालय् गुपु म्येँ दुथ्यानाच्वंगु दु । ज्याझ्वलय् वरिष्ठ सितारवादक तारावीरसिंह तुलाधरयात अभिनन्दन नं याःगु खः । ज्याझ्वलय् सफूया बारे समालोचक इन्द्र मालीं विवेचनात्मक समीक्षा यानादीगु खः । वय्कलं भिडियो सन्देश मार्फत यानादीगु खः । श्री सीता स्मृति संगीत किपूया ग्वसालय् जूगु ज्याझ्वः कवि रत्न शम्शेर थापाया सभापतित्वय् जूगु खःसा निता रंजितं सुभाय् देछानादीगु
खः ।