वीर अस्पतालया १३० क्वःगु बुन्हि हना

येँ – देय्या हे दकलय् न्हापांगु व ज्याथगु अस्पताल वीर अस्पतालं थःगु १३० क्वःगु बुन्हि विशेष ज्याझ्वः यासें हन । चिकित्सा विज्ञान राष्ट्रिय प्रतिष्ठानया रजिष्ट्रार प्रमिला देवानया सभापतित्वय् जूगु ज्याझ्वलय् उपप्रधानलिसें स्वास्थ्य व जनसंख्यामन्त्री उपेन्द्र यादव मूपाहांकथं झायादीगु खः ।

ज्याझ्वलय् मूपाहां मन्त्री यादवं वंगु दछिया दुने निवृत्ति भरण कयादीपिं, अस्पतालय् २५ दँ सेवा यानादीपिं राष्ट्रसेवक कर्मचारीयात हनापौ लःल्हानादीगु खः । अस्पतालया बुन्हिया लसताय् वंगु छवाः न्ह्यवंनिसें जूगु अतिरिक्त क्रियाकलापय् विजयी जुयादीपिंत नं वय्कलं सिरपाः लःल्हानादिल ।

उगु इलय् मन्त्री यादवं अस्पतालया वार्षिक प्रतिवेदन न्ह्यब्वयेकथं पिथंगु स्मारिकाया नं विमोचन यानादीगु खः । ज्याझ्वलय् विशेष पाहांकथं स्वास्थ्य व जनसंख्यामन्त्री डा. सुरेन्द्र यादव, चिकित्सा विज्ञान राष्ट्रिय प्रतिष्ठानया उपकुलपति प्रा. डा. डी.एन. शाह, वीर अस्पतालया निर्देशक डा. केदारप्रसाद सेञ्चुरी, प्रा. प्रमिला देवान लगायतया पाहांपिंसं नुगःखँ प्वंकादीगु खः ।

नेपालभाषा टाइम्स

च्वमिया मेमेगु

• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन
• देय दबूया स्वीक्वःगु बुसादँ हन
• आः लाइसेन्सया पलेसा क्युआर कोर्ड दुगु रसिद
• माओवादीपाखें नं खुसि मापदण्डया विरोध