१०५ दँ दुम्ह थाकुलिपाखें असंया अन्नपूर्ण पुजा

येँ (नेपालभाषा)-असंत्वाः उराय् जातिया १०५ दँ दुम्ह थाकुलि मोतिकृष्ण तुलाधरं म्हिगः असंया अन्नपूर्ण द्यःया कलश पुजा यानादिल । पुजाः क्वचायेधुंकाः असंत्वाःया फुक्कं उरायतय्त भ्वय् नकूगु खः । वय्कःया स्मरण शक्ति अझं बल्लाःनिसा पुलांगु खँ नं आः तक लुमंके फुगु खँ स्थानीय ललितकाजी तुलाधरं कनादिल । आः तकं पूर्ण रुपं स्वस्थ जुयादीम्ह वय्कःयात आः असन सेवा समितिं हनेज्या यायेगु बारे नं सहलह जुयाच्वंगु खँ सीदुगु दु ।