
येँ – किपू नगरपालिका वडा नं. ६ लय् च्वंगु ऐतिहासिक, धार्मिक, सांस्कृतिक, पुरातात्विक, प्राकृतिक व पौराणिक ल्याखं महत्वं जाःगु तौदह पुखू संरक्षणया माग यासें पुरातत्व विभाग व येँ जिल्ला प्रशासन ज्याकुथिइ निवेदन दर्ता याःगु दु । स्थानीयवासीं तौदहया पहिचान हे सिधयेकेत स्वःगु धासें उकिया पनेगु ल्याखं उकथं उजुरी दर्ता याःगु खः ।
किपू नगरपालिकां तौदहय् लःया फोहरा (वाटर फाउन्टेनं) तयेगु धकाः चालु आर्थिक दँय् वडास्तरय् ३७ गू लाख न्यय्द्वः नतका बजेट तकं विनियोजन याःगु खः । नगरपालिकां चालु आर्थिक दँया शुरुइ हे तौदहय् लःया फोहरा तयेगु तयारी याःगु खःसां अबलय् स्थानीयतय् विरोधया कारणं ज्या न्ह्याके मफयाच्वंगु खः ।
आः वयाः आर्थिक दँया अन्त्यय् हाकनं उगु योजना कार्यान्वयन यायेगु तयारी यायेवं स्थानीयत पुखूया संरक्षणया निंतिं सरोकार समिति हे गठन यानाः विरोधय् कुहां वःगु खः । समितिं तौदहया पहिचान हे न्हंकेत स्वःगु धासें उकिया संरक्षण यायेत माग यासें पुरातत्व व जिल्ला प्रशासन ज्याकुथिइ निवेदन दर्ता याःगु खः ।
LEAVE YOUR COMMENTS