प्यन्हु लगातार वा वइगु

येँ – मनसुन सक्रिय जुइवं आः वइगु प्यन्हु तक देय्या अधिकांश थासय् तःधंक व चीधंक लगातार वा वयेफइगु खँ जल तथा मौसम पूर्वानुमान महाशाखां धाःगु दु । भारतय् दुगु न्यून चापीय रेखा (वा वयेकीगु प्रणाली) उत्तर नेपालपाखे दुहां वयाच्वंगुलिं मनसुनी गतिविधि सक्रिय जूगु खँ महाशाखाया मौसमविद् समिर श्रेष्ठं कनादीगु दु ।

उगु न्यून चापीय प्रणाली प्यन्हु न्यान्हु तक च्वनाच्वनीगु व वयां लिपा दक्षिणपाखे वनीगु जुयाः नेपालय् स्वयां भारतय् अप्वः वा वइगु खँ नं महाशाखां धाःगु दु । वंगु शनिवाः निसें देय्न्यंकं मनसुन सक्रिय जूगुलिं खुसिबाः व चलः वने फइगु जुयाः सतर्क जुइत नं इनाप याःगु दु । पूर्वी क्षेत्रया चिचीधंगु खुसि, गण्डकी व चुरेपाखें बाः वइगु चिचीधंगु खुसिइ आकस्मिक रुपं खुसिबाः वये फइगु खँ महाशाखां धाःगु दु ।

सम्बन्धित बुखँ

LEAVE YOUR COMMENTS