ने. सं. ११४६ बछलागा सप्तमी -

सिभिल बैंकय् रञ्जना लिपि

यल – देय्या लोकंह्वाःगु सिभिल बैंकं न्हापांखुसी रञ्जना लिपिं साइनबोर्ड तःगु दु । बैंकं यलया दौबहाल रञ्जना लिपिं साइनबोर्ड तयाः न्हूगु शाखा चायेकूगु खः । समृद्धिया लागि सिभिल बैंक धयागु नारा तयाः न्ह्यानाच्वंगु सिभिलं बैंकिङ्ग क्षेत्रय् हे न्हापांखुसी थःपिंसं रञ्जना लिपि छ्यलाः आधिकारिक साइनबोर्ड तयागु खँ धाःगु दु ।

थ्व शाखाया उलेज्या वाङमय शताब्दीपुरुष सत्यमोहन जोशी वंगु शुक्रवाः यानादीगु खः । ज्याझ्वलय् पाहाँ कथं झायादीम्ह यल महानगरपालिकाया मेयर चिरिबाबु महर्जनं रञ्जना लिपिं च्वयातःगु साइनबोर्ड थःत तसकं हर्षित याःगु खँ धयादीगु खः । बैंकया प्रमुख कार्यकारी अधिकृत गोविन्द गुरुङ खःसा अध्यक्ष इच्छाराज तामाङ खः ।