गुथि विधेयक बारे थौं सनिलय् प्रधानमन्त्रीया पत्रकार सम्मेलन

येँ – प्रधानमन्त्री केपी ओलीं थौं सनिलय् पत्रकार सम्मेलन यासें गुथि विधेयक बारे थःगु धारणा न्ह्यब्वयेत्यंगु दु । प्रधानमन्त्री ओलीं थौं संसदय् संवोधन यासें थःगु युरोप भ्रमण व गुथि विधेयक बारे न्ववायेगु खँ धयातःगु खःसां प्रमुख प्रतिपक्षी नेपाली कांग्रेसं विधेयकया विरोधय् रोष्ट्रम घेरे यानाः प्रधानमन्त्रीयात न्ववाके मबिइवं पत्रकार सम्मेलन यानाः गुथि विधेयक बारे थःगु धापू तयेत्यंगु खः ।
प्रधानमन्त्री ओलीं छगू ट्विट यासें पत्रकार सम्मेलन यायेगु जानकारी बिउगु खः ।
थौं प्रतिनिधि सभा सुरु जुइवं सभामुख कृष्णबहादुर महरां प्रधानमन्त्रीयात संवोधनया निंतिं ई बिइवं कांग्रेस सांसदतय्सं रोष्ट्रम घेरे याःगु खः । सम्बोधनया निंतिं राष्ट्रमय् दंवनेधुंकूम्ह प्रधानमन्त्री ओली प्रतिपक्षीया घेराउ लिपा न्वमवासे लिहां वनेमाःगु खः । प्रतिपक्षीया विरोध लिपा संसद स्थगित यायेधुंकूगु दु ।