छेँय् छेँय् नं नेवाःत सतकय्
येँ– गुथि विधेयक विरुद्ध थाैं सुथय् द्वलंद्वः नेवाःतय् सतकय् कुहां वःगु दु । ज्यापु महागुथि नेपाःया आह्वानय् थौं सुथय् बसन्तपुरं न्ह्याःगु जुलुसय् झिद्वलं मल्याक नेवाःतय् सहभागीता दुगु खः । कुमारी चाःहिलीगु रुटय् चाःहिउगु विरोध ¥याली गुथि विधेयक खारेज याः, नेवाः संस्कृति न्हंके दइमखु, भूमाफिया होशियार, नेवाः एकता जिन्दावाद, नेवाःत फुक्कं कुहां वयेमाल धयागु नारा थ्वयेकाः वःगु खः ।
¥यालीइ येँया थीथी परम्परागत ज्यापु त्वाःया गुथियारपिं लिसें नेवाः न्ह्यलुवाः नेवाः कार्यकर्तातय् सहभागीता दुगु खः । गुथि विधेयक खारेज यायेमाःगु माग यासें छेँय् छेँय् नं नेवाःत सतकय् कुहां वःगु खः । विधेयकया विराेध साेमवाः माइतीघर नेवाःतय् शक्ति प्रदर्शन यायेत्यंगु दु । थुकिया निंतिं सकसितं साेमवाः सुथय् ११ बजे माइतीघरय् मुनेत अाह्वान याःगु दु ।
LEAVE YOUR COMMENTS