स्वम्ह च्वमिपाखें चिबाखं वाचन

यल – सः छगू फरक अभिव्यक्ति नांया साहित्यिक संस्थापाखें लय्पतिकं न्ह्याका वयाच्वंगु चिबाखं वाचन ज्याझ्वः वंगु शनिवाः जुल । २५६३ क्वःगु स्वांयाःपुन्हिया न्हिकुन्हु थनया दबू नेवाः नसा छेँय् जूगु ज्याझ्वलय् नियमित रुपं स्वम्ह बाखं च्वमिपिंसं थःथःगु बाखं पाठ यानादीगु खः ।

हरेक महिनाय् न्हापांगु शनिवाः नेपालभाषाया न्हूपिं व पुलांपिं बाखं च्वमिपिंत ब्वनाः न्ह्याका वयाच्वंगु ज्याझ्वः अन्तर्गत वंगु शनिवाः खुगूगु संस्करणया ज्याझ्वः जूगु खः । संस्थाया नरेश अमात्यं पाहांपिंत स्वांमाः क्वखायेकाः लसकुस यानादीगु ज्याझ्वलय् ईश्वरीमैयाँ श्रेष्ठ, विमलप्रभा वज्राचार्य व राजुराम मुनकःमिं चिबाखं न्यंकादीगु खः । वय्कःपिं स्वम्हेसिनं म्हतिं न्यापु न्यापु चिबाखं वाचन यानादीगु खः ।

ज्याझ्वलय् वाचन जूगु चिबाखंयात कयाः साहित्यकार डा. पुष्पराज राजकर्णिकारं टिप्पणी यानादीगु खः । ज्याझ्वः लिपा संस्थाया कजिलिसें कवि सुधिर ख्वबिं चिबाखं वाचन यानादीपिं स्वम्हेसितं मतिनाया चिं लःल्हानादीगु खःसा संस्थाया परम्पराकथं बाखं न्यं वःपिंमध्ये छम्हेसित गोलाप्रथापाखें छनोट जुयादीपिं रामबाबु श्रेष्ठयात श्याम माकजुं मतिनाया चिं लःल्हानादीगु खः ।

सम्बन्धित बुखँ

LEAVE YOUR COMMENTS