धनकुटाय् आन्दोलन शुरु

येँ –  विराटनगरय् प्रदेश १ या राजधानी तइगु जुइवं धनुकुटाय् आन्दोलन शुरु जूगु दु । थ्व झ्वलय् म्हिगः १२ निसें १ बजे तक चक्का जाम व बहनी ७ निसें ७ः३० बजे तक ब्लाक आउट याःगु खः । अथेहे वैशाख २३ गतेयात हाकुगु न्हिया रुपय् न्यायेकेगु खँ धाःगु दु ।

प्रादेशिक राजधानी अभियान संघर्ष समितिया संयोजक सुन्दरबाबु श्रेष्ठं धनकुटाया अस्तित्व, पहिचान व इतिहास मदयेकेगु ज्या जूगुलिं आन्दोलन यानागु खँ धाःगु दु ।

वंगु वैशाख २३ गते १ नम्बर प्रदेश सरकारं विराटनगरयात राजधानी दयेकेगु प्रस्ताव पारित याःगु खः । धनकुटायात राजधानी दयेकेमाःगु माग यासें न्हापा नं आन्दोलन याना वयाच्वंगु खः । संविधानं प्रदेशया राजधानी व नां तयेगु अधिकार प्रदेश सभायात बियातःगु दु ।

 

सम्बन्धित बुखँ

LEAVE YOUR COMMENTS