च्वबहाः करुणामयया जात्रा क्वचाल

येँ-  स्वनिगः छगुलिं जात्रामय जुयाच्वंगु इलय् येँ देशं दक्षिण भेगय् लाःगु च्वबहाः करुणामयया जात्रा जुल । येँ देशं दक्षिण भेगस्थित च्वबहाः डाँडाय् च्वंम्ह करुणामयया खः जात्रा याःगु खः ।

जात्रा स्वयां छवाः न्ह्यः न्ह्वं याःम्ह करुणामययात वंगु शनिवाः च तदशैंया न्हिकुन्हु बागमति खुसिइ यंकाः सांस्कृतिक बाजंलिसें जात्रा याःगु खः । च्वबहाः डाँडां झण्डै स्वंगू किलोमिटर तापाःगु न्यखु खुसिया दोभानय् तक करुणामयया मूर्तियात खतय् तयाः यंकूगु खः । आदिनाथ लोकेश्वरया नामं नं म्हसिया वयाच्वंम्ह करुणामययात मिसा व मिजं निगुलिं रुपय् कायेगु यानातःगुलिं ‘अर्धनारेश्वर’ नं धायेगु याः ।

प्राचीन इलय् करुणामयया मूर्ति न्यखु खुसिया हे दोभानय् लुइकाः च्वबहाःया स्थानीयवासीं डाँडा च्वय् हे देगः थयेकाः चैतदशैंया हे न्हिकुन्हु प्रतिस्थापन याःगु धइगु जनविश्वास दु ।

जात्राय् स्वनिगःलिसें जःखःया थासं आपालं मनूतय् सहभागिता दुगु खः । च्वबहाः करुणामययात हिन्दू व बौद्ध निगुलिं सम्प्रदायया धर्मावलम्बितय्सं उतिकं आस्था तयाः माने यायेगु याना वयाच्वंगु दु । बौद्ध धर्मावलम्बितय्सं स्वनिगःया प्यम्ह मध्ये छम्ह लोकेश्वरकथं नं कायेगु याना वयाच्वंगु दु ।

सम्बन्धित बुखँ

LEAVE YOUR COMMENTS