प्रियंकाया खँ !

बलिउड नायिका प्रियंका चोपडाया बारे छगू न्हूगु खँ पिहां वःगु दु । प्रियंका बारे थुगु खँ पिहां वयेवं व हाकनं छक्वः चर्चाय् वःगु दु ।
सकसिनं सिउगु हे खँ खः कि प्रियंकां हालसालय् इहिपा याःगु खः । वयागु इहिपा जूगु नं यक्व मदुनि । नवविवाहित प्रियंका थःगु ज्याया झ्वलय् उखेंथुखें यात्रा यानाच्वनेमालीगु ला स्वाभाविक हे जुल ।

उकिं यानाः प्रियंका व वया भाःत निक जोन्स नापच्वनेगु ई तकं उस्त दयाच्वनी मखु । ज्याया सिलसिलाय् यात्रा यानाच्वनेमालीगु कारणं थज्याःगु अवस्थाय् प्रियंकां थः भाःतलिसेया आत्मीयता कायम याना तयेत प्रविधिया ग्वाहालि कायेगु यानाच्वनागु धाःगु दु । प्रियंका थः भाःत नापं ताःईतक हे तापाना च्वनेमालीगु अवस्थाय् ‘सेक्सटिंग व फेसटाइम सेक्स’य विश्वास यायेगु यानाच्वनागु ३६ दँ दुम्ह प्रियंकां धाःगु दु ।

प्रियंकां वंगु डिसेम्बर महिनाय् जक थः स्वयां १० दँ क्वकालिम्ह निकलिसे इहिपा याःगु खः । प्रियंकाः थः भाःत नाप ताःईतक तापाक च्वनेमालीगु अवस्थाय् प्रविधिया ग्वाहालि कायेगु यानाच्वनागु खँ वंगु विहीवाः एन्डी कोहनया ज्याझ्वः ‘वाच ह्वाट ह्यापन’ नांया लाइभ ज्याझ्वलय धाःगु खः ।