नेपालय् स्टकय् अनसन च्वंवंपिंत ज्वन

येँ – शेयर बजाःया विकासया निंतिं थःपिंसं न्ह्यब्वयागु थीथी मागया सम्बोधन मजूगु धासें नेपाल स्टक एक्सचेञ्जय् रिले अनसन च्वंवःपिंत प्रहरीं ज्वंगु दु । लगानीकर्ता दबाब समूह धयातःगु छपुचः लगानीकर्तातय्सं सोमवाः निसें स्टकया भद्रकालीस्थित ज्याकु न्ह्यःने रिले अनसन सुरु याःगु खः ।

आइतवाः नेपाल धितोपत्र बोर्डया ज्याकुथिइ तालाबन्दी यानाः धर्नाय् च्वंपिंत प्रहरीं हस्तक्षेप यानाः लाठीचार्ज यायेवं उपिं सोमवाः निसें रिले अनसनय् च्वंवःगु खः । म्हिगः अनसनया निंतिं व्यानरसहित वःपिंत प्रहरीं धरपकड यानाः झिम्हेसित ज्वंगु खः । सिंहदरबार न्ह्यःने संवेदनशील लागा जूगु व धर्नाया निंतिं निषेधित क्षेत्र जूगुलिं उमित ज्वनागु खँ धर्नास्थलय् खटे जुयाच्वंम्ह डिएसपी बासुदेव खतिवडां धाःगु दु ।

दबाब समूहया प्रतिनिधि तिलक कोइरालां पुँजी बजाःयात विशेष क्षेत्र तोके यानाः प्राथमिकता बीगुलिसें न्हापा जूगु थीथी सहमति अर्थ मन्त्रालयं कार्यान्वयन मयाःगुलिं ध्यानाकर्षण यायेत शान्तिपूर्ण धर्ना च्वनेत्यनागु इलय् प्रहरीं बल प्रयोग याःगु द्वपं बिउगु दु ।

 

सम्बन्धित बुखँ

LEAVE YOUR COMMENTS