येँया निगू पोल्ट्री फार्मय् बल्र्ड फ्लु खने दत

येँ – येँया तार्केश्वरया निगू खा लहीगु थासय् बर्डफ्लु भाइरस लूगु दु । तार्केश्वर–७ स्थित बस्नेत त्वालय् श्यामसुन्दर बस्नेतया सागर पोल्ट्रीफार्म आकाश पोल्ट्री फार्मय् खाय् बर्डफ्लु लूगु पुष्टि जूगु दु । बर्डफ्लु लूगु पुष्टि जुइवं नीच्याद्वःम्ह खा नष्ट यानागु खँ तार्केश्वर नगर पशु शाखा प्रमुख डा. जयप्रकाश यादवं कनादिल । वय्कःया कथं वंगु दँय् नं उगु क्षेत्रय् हँय्याके बर्डफ्लु खनेदुगु खः । हाकनं खायाके संक्रमण खनेदुगु कारण धाःसा पत्ता लगे याये मफुनि ।

बर्डफ्लु जूगु पुष्टि जुइधुंकाः उगु प्रभावित क्षेत्रय् दुगु पोल्ट्री फार्मया खा नष्ट यायेगु ज्या जुयाच्वंगु दु । मेगु पोल्ट्री फार्मया खाय् नं बर्डफ्लुया लक्षण खनेदुगुलिं परीक्षणया निंतिं छ्वयेधुंकूगु दु । प्रमुख यादवया कथं प्यंगू किल्ला दुनेया खा नष्ट यानाः ल्हाकेगु ज्या जुइधुंकूगु दु । खाली दुगु खोरयात नं निःसंक्रमण यायेधुंकूगु दु । थ्व स्वयां न्ह्यः मकवानपुरया हेटौंडाय् बर्डफ्लु खनेदुगु खः ।

सम्बन्धित बुखँ

LEAVE YOUR COMMENTS