खुक्वःखुसी इन्गेजमेन्ट

हलिउड अभिनेत्री जेनिफर लोपेजं हाकनं ‘इन्गेजमेन्ट’ याःगु दु । लोपेजं थः ब्वाइफ्रेन्ड न्यूयोर्क यान्किज बेसबल टीमया पुलांम्ह कासामि एलेक्स रोड्रिग्वेजनाप इन्गेजमेन्ट याःगु खः । हलिउड अभिनेत्रीलिसें म्येँ हालामि, प्याखं हुलामि व निर्माता तकं जुयाच्वंम्ह लोपेजं सामाजिक संजाल इन्स्टाग्रामय् थः प्रशंसकतय् निंतिं थुगु लसता खँ शेयर याःगु खः ।

इन्स्टाग्रामय् शेयर यानातःगु फोटो स्वयेबलय् एलेक्सं जेनिफरयात समुद्रया बीचय् प्रस्ताव याःगु खने दु । लोपेजया थ्व खुक्वःखुसी जूगु इन्गेजमेन्ट खः । थ्व स्वयां न्ह्यः लोपेजं प्यक्वः इहिपा हे यायेधुंकूगु दुसा छक्वः इन्गेजमेन्ट जक याःगु खः । एलेक्स व थः दथुइ वंगु निदँ न्ह्यवंनिसें मतिना स्वापू दयाच्वंगु व डेटिंग नं यानाच्वनागु छगू शोया इलय् धाःगु दु । एलेक्सयात दकलय् न्हापांखुसी जेनिफरं वेबर्ली हिल्स होटलय् खंगु खःसा अनंनिसें हे इमि दथुइ यःत्यः शुरु जूगु खः ।

सम्बन्धित बुखँ

LEAVE YOUR COMMENTS