ख्यालि न्हिलि

‘जिं जिमि कलाःयात पार बीत्यनागु दु’— चन्द्रमानया छम्ह पासां वयात कन— ‘खुला दयेधुंकल वं जिलिसे छगू शब्द हे नमवाःगु ।’
‘विचाः या, भाइ !’— चन्द्रमानं तसकं गम्भिर जुयाः वयात सल्हा बिल— ‘थज्याःपिं कलाःपिं न्ह्याबलें न्ह्याबलें चूलाइमखु ।’
ह्ह्ह्
वार्डयागु फोनया घन्टी न्यात । ड्यूटिइ लानाच्वंम्ह नर्सं फोन ल्ह्वंबलय् वयाके न्यनाहल— ‘एघार नम्बर क्याबिनय् च्वंम्ह प्रवीण श्रेष्ठया स्वास्थ्यस्थिति आः गय् च्वं थें छक्वः कनाबियादी ला ?’
‘ व आः एकदम थिक जुइधुंकूगु दु ।’— नर्सं धाल— ‘कन्हय् वयागु डिस्चार्ज जुइत्यंगु दु । छि सु नवानादियागु थें ?’
‘प्रवीण श्रेष्ठ । क्याबिनय् ला जितः सुनानं छुं कंगु हे मखु । अय् जुयाः पिने वयाः मोबाइलं फोन यानागु ।’