मानन्धर संघया निक्वःगु मंकाः इहि मुना

येँ – केन्द्रीय मानन्धर संघया ग्वसालय् नेवाः मिसा मचातय्त याइगु छगू संस्कार इहि यायेगु ज्या जुल । संघया ग्वसालय् जूगु थ्व निक्वःगु मंकाः इहि खः । मानन्धर संघ अन्तर्गतया मानन्धर ल्याय्म्ह पुचः, सामाजिक सेवा उपसमिति व मिसा विकास उपसमितिया ग्वासलय् उगु मंकाः इहि वंगु माघ २३ व २४ गते निन्हुयंकं जूगु खः । ज्याझ्वःकथं न्हापांगु न्हि दुस्वः कुन्हु थाय्भू नकेगु ज्या जूगु खःसा लिपांगु न्हि कन्यादान यायेगु ज्या जूगु खः । संघं थगुनेनिसें मंकाः इहि मुंकेगु ज्याझ्वः न्ह्यकूगु खः ।