यला छगलं याइ, थुलि फायदा

झी नेवाःतय् न्हापांनिसें हे मसलाप्वलय् यला नं तयेगु चलन दु । थ्व मसलायात थथे इज्जत बियातःगु कारण झी पूर्खापिंसं थुकिया गुण म्हसिउगुलिं हे जुइमाः । पिने सियुगु ख्वला व ख्वला प्वलेबलय् दुने सुकुमेलया पु थें हे हाकुसे च्वनीगु व सवाः नं भचा अथे अथे हे वइगु थ्व मसलायात वासःया रुपय् छ्यलेबलय् उकिं झीत अद्भूत हे फाइदा याइ ।

गुगु फाइदा थुकथं दु–
१) यला नयेगु यानाच्वन धाःसा छितः गबलें नं सासःया ल्वय् जुइमखु । छितः दमया ल्वय् दु, अथवा स्वँय् गुगुं कथंया इन्फेक्शन जुयाच्वंगु दु धयागु खःसा यला भपियादिसँ, लनावनी । ख्वाउँयाः मुसु वयाच्वंगु खःसां लनावनी ।

२) यलां छिगु म्हय् च्वंगु खराब व विषालु चीजयात पितछ्वयेत ग्वाहालि याइ । म्हय् अथें अथें नं छुं छुं पदार्थ मुंवनी, गुकियात पितछ्वयेगु जरुरी जुइ । थज्याःबलय् यला तसकं ज्या वः ।

३) गुलिं गुलिं मनूतय् म्हुतु नवइगु समस्या जुयाच्वनी, अज्याःपिंसं यला चुचुप्यानाः तयेगु यायेमाः । थुकिं म्हुतु नमवइगु जक मखु, म्हुतुइ दुनें छुं इन्फेक्सन अथवा घाः जुयाच्वंगु दुसां लंकाबी ।

४) छितः न्ह्याबलें छ्यं स्याइगु समस्या दु ला ? अथे खःसा यलाचिकं छ्यनय् तिलादिसँ, छिगु छ्यं स्याःगु याकनं हे लनावनी ।

५) यलां क्यान्सर थेंज्याःगु ल्वय्यात नं तापाकातइ । यला नयेगु यानाच्वन धाःसा छि न्ह्याबलें स्वस्थ जुयाच्वने फइ ।

६) यलां पाचनशक्ति बल्लाकी । थ्व नयेगु यातकि एसिडिटीया समस्यां नं मुक्त जुइफइ । थुकिया नियमित सेवन यानाच्वन धाःसा ग्यास्ट्रिक अल्सर व मेमेगु पाचन सम्बन्धी ल्वय् जुइगु खतरा यक्व हे कम जुइ ।

७) स्वँलिसे सम्बन्धित ल्वय्या सामना यायेमालाच्वंगु दुसां यल नयाबीगु जिउ । थुकिया नियमित सेवनं दम, मुसु, स्वँ, कयेकुंगु, स्वँ मनावःगु व टीबी आदि ल्वय्पाखें मुक्त जुइफइ ।

८) यला च्व सम्बन्धी ल्वय्यात नं वासः खः धयातःगु दु । थ्व छता बांलाःगु डाइयुरेटिक नं खः । थुकिया नियमित सेवनं युरिनेसन जक थासय् लानाच्वनीगु मखु, किड्नीलिसे सम्बन्धित ल्वय् नं तापानाच्वनी ।

९) यलाय् एन्टिअक्सिडेन्ट प्रशस्त दु । थुकी निगू कथंया एन्टिअक्सिडेन्ट दइ, तर खास यानाः एन्टी क्यान्सर एन्टिअक्सिडेन्टस दइ । थुकिं ब्रेस्ट कोलन व ओभरियन क्यान्सरयात पनी । थुकिं क्यान्सर सेलया विकास व निर्माणयात दिकाबी ।

१०) यलाया सेवनं सँ हाकुसे, ख्वातुसे च्वनाः बल्लाइ । थुकी दुगु थीथी तत्वं यानाः सँयात पोषण चूलाइ । थुकिं सँयात बल्लाकी ।

११) यलां छगू भिंगु डेटोक्सया नं ज्या याइ । थुकिं म्हय् दुने च्वंगु विषालु तत्वयात पितछ्वयाः म्हयात स्वस्थ यानातइ ।

१२) यलाया नियमित सेवनं छिगु छ्यंगुलिइ न्ह्याबलें चमक दयाच्वनी । स्कीन एलर्जीया समस्याय् यलां थःगु एन्टि ब्याक्टेरियल गुणं यानाः नेचुरल रेमेडीं थें ज्या याइ ।

१३) यलाय् एन्टिसेप्टिक व एन्टिब्याक्टेरियल गुण दु । थुकी झिंप्यताजि ब्याक्टेरियात नष्ट यायेगु शक्ति दु । उकिं यला नयेगु बानि यातकि ब्याक्टेरियल व भाइरल इन्फेक्सनपाखें बचय् जुइफइ ।

१४) यलाय् भिटामिन सी व जरुरी मिनरल्स प्रशस्त मात्राय् दु । उकिं थुकिया नियमित सेवनं ब्लड सर्कुलेशन बांलाक जुइ, अले म्ह स्वस्थ जुयाच्वनी ।

१५) यलां नुगःस्येँया ल्वगितय्त नं फाइदा याः । थुकिं ब्लड प्रेसर नं कन्ट्रोल यानातइ । यदि छिं नियमित रुपं यलाया सेवन यानाच्वन धाःसा छिगु नुगःस्येँ स्वस्थ जुयाच्वनी । थुकिं हि ख्वइगु सम्भावना नं छुं हद तक कम यानाबी ।

१६) यलाया सेवनं वा व गिजाया इन्फेक्सनपाखें मुक्ति कायेफइ । सासः नं नवइमखु ।

१७) यलायात निनाः कपालय् लेप तयाबिल धाःसा वा थुकिया पु निनाः नतुनाबिल धाःसा छ्यं स्याःगु लनावनी ।

१८) वा स्याइबलय् यला व लवंया चिकं बराबर मात्राय् कयाः ल्वाकछ्यानाः वा स्याःथाय् तयादिसँ, याउँयावनी ।

१९) म्हुतुं लाः तुलुतुलु वइगु जुयाच्वन धाःसा यला व ग्वय् उति उति हे कयाः निनाः १–२ ग्रामया मात्राय् कयाः म्हुतुइ तयातल धाःसा थ्व समस्या ज्यनी ।

२०) न्याफुति निसें झिफुति यलाया चिकनय् मिश्री ल्वाकछ्यानाः नियमित सेवन यानाच्वन धाःसा दम वयाच्वंपिनि दम क्वलाइ ।

२१) निगू ग्राम मस्र्यासोंप व यलाया च्यागः झिगः पु नयेगु यात धाःसा पाचन–शक्ति बल्लाइ ।

२२) पःकाचुं लिसे यलाचुं ल्वाकछ्यानाः २–३ ग्रामया मात्राय् नियमित सेवन यानाबिल धाःसा लीभर (स्येँ) सम्बन्धी ल्वचय् फायदा जुइ ।